سلام الله سلام الله على اللي يلعب الطاروق=تحيه للرجال اللي على القلطـات خابرهـا
الا يالرمح هات العلم لو العلم بالصنـدوق=ولن شفت المهبـل والمجنـن لاتشاورهـا
هلا يامرحبا ياصاحبي بالفعل والمنطـوق=بيوتٍ شاعر القلطه على الصفحه يحررها
يجيك العلم والمعنى عن الي مايعرفه فوق=لاكن ياصاحبي سوق الركايب لاتحيرهـا
الا من يدخل المضمار ياسابق ويامسبوق=ولاتصبح كما اللي في حفايرها جفايرها
ركايبنا على المعنى نهد جهودها بالسوق=تصبحكم تمسيكم بعد ساعـه تناظرهـا
الامنك خذيت المنعطف يا بورجب برفوق=على شان القرنبع ماتعلاهـا توايرهـا
دفعني للمعاني ياصحيب الخير دافع شوق=نسولف للرجال ونعرف الي في ظمايرها
ترى ماعذّب العشاق كود الشوق للمعشوق=ومن ذاق الفراق العين هلت من عبايرها
الا من طب وسط اللعب يافالق ويامفلوق=وليا منّا كسرنا العظم ماتجبر جبايرهـا
مدامك ياعميل الخير تعرف سلـة المفتـوق=نصيحه لاتقربهـا توهـق فـي خسايرهـا
عطاك الله اذانٍ صاغيه واعطاك جوز ارموق=الى منك سلمـت بمـره احـذر لاتكررهـا
الا ياشاعر الحلـه الا يالشاعـر المرمـوق=عليك الدايرات تدور وانتـه فـي دوايرهـا
نبيع ونشتري وانسوم لامن جيت وسط السوق=ومسلم في ديار المسلمين اعـرف شعايرهـا
تراك بكلمتك ياصاحبي يابورجب محقـوق=لكن اسحب كلامـك لاتزعلنـي وافجرهـا
الى جيت الربيع اقطف من النوار والزملوق=تغانم فرصتـك دام الله الخـلاق ساترهـا
حذاري لاتفجرها عسا ما خـلاف يامخلـوق=تجيك السالفـه مابيـن واردهـا وصادرهـا
تحرص من هل الغيبه كبار العلبا وساع شدوق=علـى النيشـان ضربتهـا وبندقهـا تعايرهـا
عسى ماشر ياراع الغنم مدري يراع النوق=مدام ان خصمك مقدر شنب لحيتك قدرهـا
مدامك شايفاً وقفتك بين الناس في صعفوق=تنبه للهبايـب لاتجـي الرملـه تطيرهـا