"
"
"
هذي مساجله بيني وبين الشاعر القدير والمعروف::-جارالله الشدي
اتمنى ان تحوز على رضاكم وتنال اعجابكم ::-
"
"
"
قصيدتي::-
يسـعـد صـبـاح الشـعـر ورد ونـواويــر=ويسـعـد مـسـاء هـــل الادب والـعـوايـد
عــزالله ان الشـعـر مــازال فــي خـيـر=مــادام فـــي الـسـاحـه زعيـم(ن)وقـايـد
جـــارالله الــشــدي حـفـيــد المـنـاعـيـر=شـاعــر مـمـيـز فـــي مـجــاراه كــايــد
اسـمـه بــرز مـابـيـن كـــل المشـاهـيـر=الـفـكــر راقــــي والـمـعـانــي جــدايـــد
لــه فــي سـمـاء الشـعـر نو(ن)مزابـيـر=يمـطـر عليـنـا مـــن جـزيــل القـصـايـد
وارض الشعر صارت ربيع ومخاضير=مـــن غـيــر ابـوخـالـد قـصـيـده فـوايــد
شـــلات ابـوخـالـد حـبـيـب الجمـاهـيـر=يــطــرب لــهـــا مـتـذوقـيــن الـفــرايــد
نـنـطـر جـديــدك يـاصـبـي المنـاصـيـر=فـــي شــاشــة الـتـلـفـاز والا الـجـرايــد
لـك فـي صميـم القلـب حشـمـه وتقـديـر=مـــن دوسـري(ن)عـزوتــه لاد زايــــد
انهيـت قـاف الشطـر الاول عـلـى ايــر=وختمـت قـاف الشـطـر الاخــر ب ايــد
"
"
"
وهذي قصيدة الشاعر جارالله الشدي::-
يافيصل أرحب عـد مـا رجلـك تسيـر=يـالـحــر يـالـلــي للـمـواجـيـب صــايــد
يامرحـبـا بــك عــد صــف الطوابـيـر=تـرحـيـبـةٍ مــانــي عـلـيـهـا مـحـايــد
أصفـى مـن المـا لا طفـى عالـي البيـر=وأطهرمن إحساس الطفل يوم عايد
وحـلـى وأحـلـى مــن حلـيـب المصاغـيـر=تنـصـاك يالـرايـد لـيـا قـلـت رايـــد
يا شوق شوق وشوق كل الغنادير=يـا شــوق بـنـتٍ فــي نحـرهـا قـلايـد
يالشامخ الصيرم عسى فالـك الخيـر=والله يـجـمـلـنــي مــــــع آلاد زايــــــد
فـي ذمـتـي ذمــه ومــن دون تـزويـر=إنّـــك مـــن رجـــالٍ تـــزود الـزوايــد
إصْغيرهم يكفي ليا جـا عـن كْبيـر=والـكـل عــارف فعلـهـم بالشـدايـد
وكْبيرهـم لامـن حضـر سـالـم الـزيـر=هيـبـه ومطـلـق فـالتواصـيـف زايـــد
وأنا أعتذر إن كان بـه أي تقصيـر=رد أرتـجـال وقـاصــر الـقــول فـايــد
"
"
"
مع خالص تقديري واحترامي للجميع