السلام عليكم ورحمة الله وبركاته :
هذه مساجلة بيني وبين أخي الشاعر القدير / عامر بن عبدالرحمن بن النتيفات
ويعود تاريخها إلى نهاية عام 1424 للهجرة (( ما أعجل وتمضي السنين
جعل الله أعمارنا وأعماركم معمورة بالطاعة ومختومة بالخاتمة الحسنة ))
كنت وقتها مشرف على قسم الشعر في منتدى الأفلاج , وتغيبت لبعض
الوقت فوجه لي أبوعبدالرحمن القصيدة التالية :
عسى المشرف اللي غاب يرجع لنا في الحال=ولـوغـيـبـة الـمـشــرف لـهـا أسبـاب مـبـديـهـا
وعسـى الإمتـحـان أمــره يسـيـرٍ وفـيـه يـنـال=نـــجـــاح وتـــفـــوق والـصـعـيـبــة يـعــديــهــا
ويفـتـك مـــن هـــم الـدراســة وشـغــل الـبــال=ويـرجــع وهــــو مــرتــاح مـنـهــا وطـاريـهــا
و (فراج ) مثله ينـفـقـد والصـحـيـح يــقــال=رجــــالٍ تــقــول الـشـعــر والــكـــل يـوحـيـهــا
ومجلـس قوافـي الشعـر قـد لـه لـيـال اطــوال=وهــــو صـابـر(ن)يـرجـي جــدايـــد قـوافـيـهــا
ولاجــاه مـنـهـا شـــيء والـيــوم صـبــره طـــال=يــبــي لـــــه قـصــايــد صــادقـــاتٍ مـعـانـيـهـا
عـلـشـان يـبـقـى لـلـعـرب دايـــم (ن)مــدهــال=ويــــرتــــاح زواره وتـــلـــقـــى مـبــاغــيــهــا
هــذا والشـعـر ذاالـوقـت يـاخـوك حـالـه حــال=وهـيـبـتـه قــلــت واكــثــر الــنــاس يـعـمـيـهـا
ولاهــوب يـثّر فــي الـعـرب مـثــل وقـــت زال=وصــار الـشـعـر سـلـعـه رخـيـصـه لشـاريـهـا
ولا عــاد لــه قـيـمـه وحـشـمـه وقـــدر عـــال=وكــــل غــــدى شــاعــر ويــبـــدع ويـهـديـهــا
مـشـاعـر تـبــاع وتـشـتـرى كـيــف يـاالـعـقـال=أمورٍ تحـيـر فــي الشـعـر صـعــب نحصـيـهـا
لـكـن ياعـسـى الله يصـلـح الـحـال والأحـــوال=وأســالــه يــعــدل الـمـيــل والــنــاس يـهـديـهـا
وهذا جوابي :
سلامٍ من البـاري عـدد ماطـرٍ همّـال=وقع بأرض نجد وفيّضت بـه مناشيهـا
يساق السلام لشاعـرٍ عالـي المنـزال=حكيم القوافي قابض إزمـام عاصيهـا
عسى العافيه تنشد عن اللي علينا إيسال=وعسانا علـى ظنّ الرجال وهقاويهـا
فلاهنت يا ( عامر ) على بعثك المرسـال=عزيزٍ علـى الكـلّ ورسايلْـك نغليهـا
وأنا والشكر لله والحمد بأحسـن حـال=على ماتحبّ وراحتـي فـوق أعاليهـا
لكنّ القريحه صابهـا مشكلـه وإشكـال=بيـوت القصايـد قاطعتنـي قوافيـهـا
وأنا ماأبدع أبياتي وأوقّف على الأطلال=مادام المشاعـر بـارده فـي معانيهـا
قصيد التصنّـع والتكلّـف يغـث البـال=بيوتٍ تجي من غيـر نفـسٍ ماأدانيهـا
لاماجات بالفطره بيوت الشعـر تختـال=فكـبّ البقيّـه لاتلـدّ النـظـر فيـهـا
وأنا أشوف ناسٍ سبّبوا في الشعر زلزال=من أفعالهم الأشعـار طاحـت مبانيهـا
غدى الشعر تهريج ودعايه ولعب أطفال=قصايد ركيكـه يرتفـع ضغـط قاريهـا
حسافه على عصر الزلامي وبن هـذال=وشلعان بن ظافر وبن عـون غازيهـا
شواعير هذا الوقت غطّوا على باسكـال=بالأصبـاغ والمكيـاج تخفـي بلاويهـا
مجلاتهم صارت معارض صور وإخبـال=تنافس على الموضه , والإبداع مخطيهـا
ومزاد القصايد عندهم صار عال العـال=ولابورصـة لنـدن بتقـدر تضاهيهـا
تشوف الزبون المشتري لابسٍ بنطـال=وشعره يمجّـد فـي البـداوه وطاريهـا
تناقض عجيب ومسخره مالهـا حـلاّل=مظاهـر تخلّـف بيّـنـاتٍ مخازيـهـا
لولا خوفة الغيبة وهي محرقة الأعمـال=عرضت الأسامـي للجماهيـر توحيهـا
وعندي على ذلـك براهيـن بالمكيـال=ولاباالتهم فوضى على النـاس نرميهـا
وترى اللوم ماياقع على بايـع الأمثـال=بل اللوم للـي يدفـع المـال يشريهـا
لإن الظروف الراهنه قاسيـة الأحـوال=ولاكـلّ مخلـوقٍ يجـابـه مآسيـهـا
إذاكـان مديـون وفقير وعليـه إعيـال=أنا كيف ألومه يـوم الأشعـار يهديهـا
ومن يطلب الشهره بشعره فهـو دجّـال=ورجله على المنقـود حثّـت خطاويهـا
أنا وين أبلقا ياالنشامى رجـال أعمـال=يحطّـون محميّـه للأشعـار تحميـهـا
ويُفرض بها حظر التجوّل على الجهّـال=على أساس نسمو بالقصايـد ونعليهـا
وكعادة أبوعبدالرحمن يأبى إلا أن يجعل ختامها مسك حيث قال :
هـلا يالمسلّـم عـد ماأمـطـر حـقـوق خـيـال=وعـدد مانبـت بأرض الجزيـره وماشيـهـا
هــلا بــك وبالاشـعـار يالـشـاعـر الـفـعـال=عسـيـر القصـيـد إيسـخّـره رغــم أنافيـهـا
وعودتـك تجبرنـي علـى الشعـر والامثـال=تهيـض شجونـن فـي الحشا كـنـت كاميـهـا
تبـي شاعـر شـرواك يشكـى عليـه الحـال=يـسـاهــم بـجـهــده لـلـشـكـيـه ويـشـفـيـهـا
ومادمـت فـي نعمـه وصحـه وراحــة بــال=فـبـاقــي الامــــور الله تـعـالــى يـسـويـهــا
وهيض القريحه بعـض الاحيـان كالشـلال=وسـاعـات قـطـره لوتـبـي مـاانـت لاقـيـهـا
هــــذي عــادتــن تنـتـابـنـا كـلـنــا ولــيــال=طويلـه ولانـرغـب نـشـوف الشـعـر فيـهـا
لأن الشعـر تعبيـر صـادق مـهـوب اجــدال=وكـلـمـات محـسـوبـه بـهـا قــدر راعـيـهــا
وحــنــا بــشـــر وأ يامــنــا كـــــدرةٍ وزلال=وكــــم لـيـلــةٍ بـتـنــا نـعــانــي ونـخـفـيـهـا
إذا زانـــت الايـــام قـلـنـا الـبـيـوت اثـقــال=واذا شــانــت الايـــــام نــتـــرك قـوافـيـهــا
وشعـرٍ يقـال بــدون داعــي يـجـي غـربـال=وإلـــى جا مـجـالـه زانـــت بـيــوت بانـيـهـا
وشعـر نفـع محتـاج معـسـر ولاش اريــال=فـلابـاس بــه مـــن ذم راعـيــه مخطـيـهـا
وجـــف الـقـريـحـه زاد ياطـيـبـيـن الــفــال=الأسـبــاب واجـــد شـعــرنا مايكـفـيـهـا
ومنها الشعر جلـه غـدى ذاالزمـان حثـال=تـكـدر مــن الـلـي همـهـم نـشـر أساميـهـا
تجيك الصـور فـوق الشعـر كنهـا التمثـال=والأبـيـات تـحـت ومـــن قـراهــا يغطـيـهـا
حسافـه علـى مــن قالـهـا غـتـرة وعـقـال=وهـــو لبـسـتـة قــبــوع دايــــم ويكـفـيـهـا
والى شاف شعره في المجلة يجيه اهبـال=خـذالـه عـشــر نـسـخـات مـنـهـا يـوريـهـا
ويزهم على افلان وعلى افلان باستعجال=يـبـشـر جـمـيـع الـنــاس هـــذي أمـانـيـهـا
هذا اللي تسبب في انحدار الشعر يارجـال=وخـلـى القصـايـد معـظـم الـنـاس جافـيـهـا
ومجلات غـث الشعـر صـارت كمـا الـدلال=تحـط الهـروج أشـعـار والقـصـد شاريـهـا
هدفها ومقصدها من الشعر جمـع أمـوال=على حساب ديوان العرب هـي وماضيهـا
يالـيـت الـوزيــر يـصــك بيبـانـهـا بـأقـفـال=يــصـّــدر قـــــراره لـلـمـجــلات يـلـغـيـهــا
يحط الشروط اللـي تخلـي القصيـد اجـزال=مـجــلــة تـخـالـفـهــا تــســكــر مـبـانـيـهــا
ولـكـن رجــال اعمالـنـا أحوالـهـم أحــوال=بـعـد منـتـدى جــدة تــرا الـعـيـب كاسـيـهـا
رضــوا بإجتـمـاعٍ يجـلـب الـعــار والإذلال=تصيـر المـره مثـل الرجـل فـي مساعيـهـا
تشـوف المـره بـيـن الرجاجـيـل بالبنـطـال=بلـيـا حـجــاب اوسـتــر تـطــرح حكـاويـهـا
مــره سـيـدة أعـمـال بـيـن الـمــلا تـخـتـال=بـنـات البـلـد ضـاعـن بتخـطـيـط اعـاديـهـا
تــجــاره خـديـجــة لايحـطـونـهـا الــمــوال=تــجــاره شـريــفــة مـاتـضـيــع مـبـاديـهــا
ولا أعـمّ بأقـوالـي وفيـهـم عـريـب الـخـال=غـيـور عـلـى ديـنــه وعـرضــه مغطـيـهـا
أمورٍ تـحــيـّر رب يـامــنــزل الانــفـــال=تـحـفـظ الـمـحـارم والمـخـالـيـق تـهـديـهـا