[معلومات العضو ولد عطا]

الســلام عليـكم ورحمــة اللـه وبركـاته
.
.

صبحكم الله بـ الخيــر .. بعد غيـاب . أحب أن أقدم .. جديدي وأتمنى أن ينـال على إعجابكم

بالله يانايف شهانتك برقعها = طرّت علي عيون خل(ن) تشاديها
انا دخيلك هاجسي لاتفرقعها =والعين عن نوم العرب لاتجزيها
إن صرت يانايف معك لاتفرعها =ولاّ ترى خوّتك مانيب باغيها
وشلون ابدله وانت سعره مفرعها = وعيونها لي غض الانهاد تطريها
نار المولع طالبك لاتولعها =تراي يانايف لي ايام مطفيها
ليتك على بعض الصقاقير بايعها .= ما اخترت إلا شبيه الزين تجنيها
الجادل اللي واهني من جلس معها = يفز قلبي كل ماحل طاريها
سبحانه اللي بالتواصيف متّعها =ماشفت بالعربان بنت(ن) تحاليها
نور القمر إليا سطع قمت اطالعها = حيث القمر لاصار كامل يحاليها
يابعدها عني ويابعد موقعها = علمي بها من قبل لاامشي محاكيها
تمسح بيّدي وغرّق الخد مدامعها = وانا جداي اقول يابنت كفيها
تبكي تعد ايام بعدي بإاصابعها= ثم ادبرت عني وعيني تراعيها
هاك الهنوف اللي صدى الشوق يتبعـها = خسرانه اللي بالوصايف تماريها
هذي نتيجة غلطتي يوم ادلعها = تمسكّت في يدي عيّت تخليها

.
.
إحترامي وتقديــري

ولد عطا