يامرحبا بالطيف وبراعي الطيـف =الطيف غالي والمشاعـر شديـده
جيت وهلابك يابعد كل من شيـف =بكفوفـه الحنـا وينثـر كـديـده
جيت وهلابك من علا طلعة السِيف=لي حد بيتـك والقصايـد جديـده
الشوق قاتل والبلد فيـه تخويـف=والعين فاضـت والنوايـا سديـده
والربع راحوا والوعد بآخر الصيف=يديـم نــو ٍلاطلبـتـه يـزيـده
ترقا بهالنفس الحزينـه مشاريـف=لعيون من تسوى جميـع البديـده
بنت النعيم اللي مسا عطرها كيـف=لاهل العقول الملهمـه والرشيـده
من عامها لاول وهي تنزل الريف=وتكره حضـاره ماعداهـا تبيـده
كاس الزعامه جابته دون تصنيـف=شان الرفيعـه لاهـوت ماتريـده