[معلومات العضو الزين]

المشاركة الأصلية كتبت بواسطة ابو زيد الغييثي

اختي الزيــن لو سمحتي من قائل هذه الابيات الجزله

خصوصاً البيت الاخير هو قصيده بحد ذاته

القصيده للشاعر فارس عفاس.........وهذي القصيده كاملــــــــــــــــــه

الوقـت والله مايحشـم المناعيـر=لاهو على كيفك ..ولاهـو بـودّك
تصيربه .. اشياء مـاودك تصيـر=والنفس عن شي ٍ يفيدك ... تلـدّك
احذر تهين النفس لجـل الدنانيـر=حتى لو ان الحال بالحيـل حـدّك
اصبر على دنياك ... لو مابها خير=لاتشتكي حتى لو الوقـت ضـدّك
وان حدتك سود اليالي على الغيـر=لاتطلـب الا واحـد ٍ مـايـردّك
عليك .. باللـي عالـم ٍ بالمقاديـر=اليا تعبـت وبيّـح الوقـت سـدّك
وان جات للواجب وجا منك تقصير=مالك نعم ... لو سالم الزير جـدّك
بعض المواقف ..ماوراها معاذيـر=اما بخـدّ العـذر ... والا بخـدّك
ومن قدّرك ... لابد تعطيه تقديـر=ولا تعدّه شي .... مـن لا يعـدّك
ولا تبرر للفشـل .... اي تبريـر=افهم .. وميّز بين ضحكك وجـدّك
للكل ند .... ولا يجي ندّك صغير=أعرف ترى مقياس حجمك بنـدّك
,وللفكر عقل ولاعقل دون تفكيـر=والشعر بحر ٍ بين جزرك ومـدّك