[معلومات العضو تركي ال فنيس]

حدثت هذه الوقعه بين الوداعين والقحاطين وسبب هذه الوقعه كانوا القحاطين يردون اخذ ابل ابن خليف المليحا ويردون منه الخروج من ارضه وقعت معركه انتهت بنصر ابن خليف وربعه الوداعين



وبهذه المناسبه قال ابن خليف هذه القصيده ويخبر القحاطين في اخر قصيدته مافعله في جاره القحطاني

لوم على اللي ما يكافـون عليـه=الا نمـامـات وقــول وقـايـل
تجمع لنا الصولات من كـل ديـرة=قد ضال في الاطواء جميع القبايـل (1)
تشادي الدبا الكتفان يوم التوابنـا=شالـوا علينـا موقـدات الذبايـل
يوم صدقوا الاصحاب فينا وشرهبوا=قد صملـوا والله راعـي الجمايـل
زهمت ربعي ترخص الروح دونها=فتنا وقفـوا مـن ظفرنـا جفايـل
عـنـا صبايـانـا نطحـنـا كميـهـم=حـنـا نطحنـاهـم وكــل يـخـايـل
تنفل علينـا عامـر هـو ومانـع=مع تركي الممدوح ماضي الفعايـل
تصدقوا الارواح في حومة الوغـى=وخذوا الهنادي المرهفات النفايـل
معي مثـل نمـر التـرك فيهـا غياهـب=شربنا بها مـن كـاس النجوسـي تلايـل
ليـن راحـت منـا همـيـلا عزيبـهـا=مع الصيد ترعى فـي دمـاث المسايـل
لعيناك يا من هي لنا كـل موسـم=تعيي علينا في السنيـن المحايـل (2)
ولعينا المليحا اللي تلاحن عندنـا=جعلنا العدا عنها رذال قتايـل (3)
لوونـا وكثـرنـا الـمـلاواة دونـهـا=ليـن احتميـنـا دونـهـا بالفصـايـل
ركـدت مـن فيهـا خفيـف وخـايـف=وصـارت رجـال مـن ايدينـا توابـل
عنزتـنـا لضعيفـهـم مــع قويـهـم=وابغي الجزاء مـن جايـل بعـد جايـل
فنا اهيب من اشوارا الردى ما استمع بهـا=لاقـلـط الـشـور الزهـيـد البـدايـل
وديت جاري من جداري وفزت بـه=والفوز من رب لـه العبـد سايـل
حطيت حوشه من عبـارة عيالـي=ولا خير في هـرج بليـا صمايـل
مـن ردة الجوبـه إلـى الرمـل حدنـا=حامينـهـا بامصـقـلات الـسـلايـل
حامينـهـا يــوم الله الـلـي حمـاهـا=ومـن دونهـا ندكـم شبـا كـل عايـل
قول بلا فعـل علـى الرجـل منقصـه=وهـذا يمثـل بـه ســراب القـوايـل
لومي علـى اللـي مـا يكفـون عايـل=هـل الديـن مافيهـم ولـيـا صمـايـل
مبحثـه الأعــلام مــا دوروا لـهـا=بخاطـي دوي يدنـي جميـع العـلايـل
مصلـي مزكـي فـي أرض الله مجهـد=ولا والله ادرى بالـذي كـنـت قـايـل

1- ضال: تجمع

الاطواء: ابار للوداعين شرق السليل

2- لعيناك : الغرس

2_ المليحا: ابل فايز ابن خليف

تلاحن : يتكسر حنينها وتتهدج