بسم الله الرحمن الرحيم
قصيد تين لشاعر سبيعي من اهالي الخرمه يقال له مقبل ابن شريد الثوري السبيعي
وجدتها من بين اوراقي وانا ابحث عن قصيد لوالدي رحمه الله والله لا اتذكر كيف وصلت
اوكيف حصلت عليها وهي موجهه من الشاعر الى اهالي واسط واهالي الاحمر (وكماهو
مكتوب لدي يقول الشاعر قمت بزياره هذه المناطق عام 1406 هـ بدعوه من الاخوان
وهم سفر ابن محمد ابن ابراهيم المجادعه الدوسري واخوانه باتل وبيشان وسعيد كما
زرتها عام 1407 هـ برفقة الشيخ الاديب عبدالله ابن محمد ابن خميس وكذلك زرتها
عام 1408 هـ برفقة الشيخ عبدالله ابن سعيد ابن بيشان امير منطقه الزلفي)
ويقول الشاعر بأول قصائده
لقيت في واسط رجال مشاهير = ولقيت بالحمر رجال مهيله
ياحي والله من رجال مناعير= قبيلة ياحيها من قبيله
دواسرا يثنون دون المعاشير=يوم كل يقتضي من عميله
لجا نهار فيه للثار تشهير= من طاح قدم نحورهم عزتي له
ويوم الحرايب يبعدون المشاوير=وعدوهم سو المنايا تجيله
والضيف لاجاهم بحشمه وتقدير=وقصيرهم يدله نهاره وليله
وافين بالماجوب لوهم معاسير=وفعل يمانيهم عليهم دليله
وبيوت مفتوحتة للخطاطير=ورجالهم دايم تحب الجميله
ياحي والله من رجال مسافير=وفعولهم بين القبايل جليله
القصيده الثانيه
الله يبيض وجه باتل وبيشان= وسفر واخوه سعيدلهم التحيه
مجيكم واجب عليه يالاخوان=مادام راسي حي فرض عليه
محبة الطيبين ذربين الايمان=تبقى بروحي دامت النفس حيه
ومن حبكم جيت هذيك الاوطان= واسط والاحمر كنها ملك ليه
ربي عساه السيل في غر الامزان=يمطر عليها كل صبح وعشيه
دارا لها بالمجد رمزا وعنوان=ورجالها بهم الكرم والحميه
دارا بها للضيف منصى ومسكان=قد سنها هذال تبقى وصيه
وصية تبقى على طول الازمان=دروبها الاجناب والأهليه
يشهد لك التاريخ ياابن وقيان=ويشهد لك الله يازبون المنيه
وتشهد لك العربان ياطير حوران=ياكم ذبح واعطى جزل العطيه
ينصونه العربان حظرا وبدوان=كريم سبلا حزة المعسريه
ومن يفعلى الاحسان يجزى بالاحسان=ويلقى ثوابه عند رب البريه
وأخر رجال شانهم في العرب شان=مامات من يخر خلافه حليه
يانعم والله يالمناعير ضفران=نسل الحرار مزبنين الجنيه
قوما لهم بالمجد ساسا وبنيان=الله يديم اهل العزوم القويه
قوما الى ركبوا على الخيل فرسان=دواسرا يردون حوض المنيه
الكم تحيه ياهل العرف والشان=من شاعر السبعان جتكم هديه
الله يصح السان الشاعر الكبير:مقبل ابن شريد الثوري السبيعي من اهالي الخرمه
محبكم في الله:سلطان ابن دخيل الله ابن محمد الشكره