"١
.للزواج غنوا لي الناس موال
قالوا تزوج دامك في أحسن الحال
٢.ترى العمر لحظاته قصيرة
وعن ما ودعن مايفيد السؤال
٣.بديت افكر واطلقت خيالي
وعلى اوصاف الحبيبة ماطاق الخيال
٤.قلت ابيها ذات حكمة وحنكة
ورجح عقلها يحتال به عقال
٥.ابيها كاملة بالعقل والفكر
وفي شكلها ماوسعت المجال
٥.قلت شئ عن شئ يكمل
والزين مايكمل ولله الكمال
٦.ابي حكيها ثقيل ورزين
ونطقها عذب كما صافي الزلال
.وابيها بعد على ابوها كريمة
لاجاوا ضيوفي تلقم ثلاثة دلال
.ابي اخوها قرم محزم لي
ومعربة النسب من عم وخال
٧.قالوا يعنى ماودك في جميلة
قلت الدين عندي اهم من الجمال
٨.بس ابي عينها عين الوحش
وساع مكحولة ولها رمش ظلال
.ابيها لا ناظرتني بالنواعس
يطيح من كتوفي هموم جبال
٩.وقلت ابيها بعد مدموجة ساق
والطول ابيها من قصيرات الطوال
١٠.والشعر فيه أنا ما أشدد
بس ابي جدايلها كما ذيل شلال
١١.وقلت اسمعوا كل شئ الا خصرها
ابيه بسهالة يلتف به عقد سلسال
١٢.والخدود ابيها حدباء وسيعة
ضيها كما القمر في بداية هلال
١٣.وفيه شئ بقوله لكم ونسيته
وصف جذبني من صغري ولازال
١٤.أحب مشيتها تكون غير غير
كما الفرس اللي تثنى من دون خيال
١٥.قالوا تريث امثال وصفك كثير
وانت تستاهل اللي مالها امثال
١٦.والامور الباقية خلها علينا
بس انت جهز مهر مية الف ريال
١٧.وشف لك بويت ياثنين يضمكم
ولاصار كبير أحسن علشان العيال
١٨.وحدد موعد بالصيف لزواجك
وان كان مايمدى ياقرب شوال
١٩.وهاه وان جاك ولد لاتنسى تسمي
ع صالح اللي بنى للطيب تمثال
٢٠.قلت ابشروا بالعز وانا ابن خليفة
يشهد علي من زين باللحى كل رجال
٢١. اني لخلي السيوف تجدد شوقها
لعرضات الخليفي لاصال وجال
٢٢.يوم برقت لقيت اني جالس
بين اهلي وفي صف العيال
٢٣.واثل اللي أنا فيه توني
حلم عشته ومر عني بعجال
٢٤.قلت ياليل العنا حنا مابدينا
قالوا ايه تونا قلت ياليل لالال
الشاعر / ريمان ابن خليفة