السلام عليكم ورحمة الله وبركاته
هذه القصيده قلتها بعد ما تعرضة له المملكه العربيه السعوديه حرسها الله
من هجمه اعلاميه ظالمه وحاقده من قناة الجزيره الحاقده على وطني الغالي
ومن ما يقوم به المغرر بهم من الارهابين من قتل للابرياء في مملكة الانسانيه
((القصيده))
يالله ياللي عالم(ن) بالسريره=ياالواحد المعبود ياخالق الكون
هاض الشعر يادار شبه الجزيره=يادار ابومتعب بك الشعر مفتون
دار بناها العود صقر الجزيره=ومن بعده عياله على الحق يمشون
دستورها القرأن ماهوب غيره=دار تحكم الشرع والدين مصيون
ماهمنا هرج القناة الحقيره=وماهمنا هرجة معازيب صهيون
الجاهل اللي غط علم(ن) بغيره=انا اشهد انه خالي العقل مجنون
خاين عميل ومعمي الله بصيره=مايدري ان الشعب لدار يوفون
اللي نوانا بشر يلقى مصيره=حنا سعوديين وابليس ملعون
نقضي على الارهاب ونجف بيره=ومن غشهم نكويه ويموت مغبون
حنا لبو متعب سيوف(ن) شطيره=يضرب بها من في راسه شطون
وسلطان لا جات الامور الكبيره=يحرك جيوش(ن) للموت يشرون
هذا الامن مادام نايف وزيره=ماهوب متزعزع ووالله تبطون
حنا رياض العز وسلمان اميره=له هيبة(ن) منها الخوارج يذلون
ويالله تحفط دار شبه الجزيره=ياالواحد المعبود ياخالق الكون
فيصل بن جزاء