[معلومات العضو نايف الخييلي]

الله عليك يابــو راشــد

موضوع قيـــّم وأطيب مافيــه فــكرته ومثل هالمواضيع مطلوب ان نحرص عليها



كــل قبيله لها ســلوم يلتزمون بها ابناءها ولها عادات تميزهم عن القبايل الاخــرى


والواحــد قد يتعرف على قبيله الرجال من خلال بعض التصرفات اللى يقوم بها



وقد يستغرب الواحد لذكرنا بعض هالسلوم من باب انها معروفه عند الجميع ولكن مع


الوقت للأسف قمنا نشوف شباب لا يحرص ولايعرف هالعادات ولا طبوع قبيلته


والدواسر كما قلت لها سلومً تميزها ذكرت انت منها وهناك الكثير ياليت كل يشارك

في الموضوع يضيف فيه... واللى يحضرني منها :انهم مايمنعون حليب الابل

فــأهل الابل مايمنعون حليبها للضيف ولا لطرقي فمن جاهم يحلبون له



ومن ســلوم الدواسر : انهم لو جاهم رجال ينشد عن شخص معين مايعلمون به

ولا يدلونه عليه . فـ هم بنى مدري . من جاهم يسئل عن أحد قالوا ماندري . والسبب

في ذلك هي الخشيه من ان السائل يطلب هالرجال ثأر او بينهم خصومه . فمايحبون

انهم يكنون طريق شر على خويهم اللى يعرفونه وهذي عاده طيبه في الدواسر .





وتقبــل سلامي يابــو راشــد