اخواني الاعزاء ...
أسعد الله أوقاتكم بكل خير ...
هذه قصيدة للشاعر الفارس /
مترك بن فلحان المخاريم ..
أسندها على الملك عبدالعزيز بعد فتر الرياض وهي تورخ حدث تاريخي مهم .
يقو فيها :
يا راكب عثوا السنام آركيّه = ترعى غصون الراك والبدو مسنين
تجعل مسير الخمس روحة عشيّه= وتلفي لنا شيخٍ يغيث المساكين
عبد العزيز اللي عزومه قويّه= احيا هل العوجا وهم كان فانين
يفرح به اللي زارعٍ لـه ركيّه= في الرق كنّه في قوي الضلاعين
من قبله القرّاش توخذ حذيّه= ومن عقب حكمه ما حدٍ شق في الدين
من الكويت اجنب وجر الغزيّه= القوم ستينٍ وهو ند ستين
وبمفرزاتٍ ناخ وابقا كميّه= عند الركاب ابقى من القوم عشرين
وصبّحهم المنعور والشمس حيّه= معه اربعينٍ وعنده ان قومه الفين
من حر ما ينّس وكبده لظيّه= حتى تبدل شينها جا لهم زين
ونادى لـه اللي عالمٍ بالخفيّه= ثم استقر الحكم والناس مرزين
ما يذكرو ن البيض جابن حليّه= من وقتنا الماضي ليا حيننا الحين
سوا بعجلانٍ سوات الغذيّه= لا من ذبحها واحدٍ للضيافين
جرّه وسوا به سوات الضيحّه= لا عرضاها مرهفات السكاكين
آما عليه بسلّت النافعيّه= ودزّه وقال ديونكم يا هل الدين
الحكم حكم جدودنا الاوليّه= ما يستوي لك يا اسود الوجه ياقين
واركا على العدوان هيّه وكيّه= ابطا يصارعهم على العسر واللين
ثم استطاعت نجد صارت هديّه= من عقب ما هي كان تلعب بحبلين
اطفا بضو الخصم واشعل ضويّه= سلطان نجد ومن مورث سلاطين
الله يعزك يا مساوي الرعيّه= اطلب الله قولوا آمين وآمين
الله يجيرك من بلا كل سيّه= ابجاه معبودٍ لبيته ملبين
يا جعل عمرك طول رجم الحنيّه= يا مساويٍ الشعب الاقصى والادنين
طالبك ما تزها الجنايب ثنيّه= حمراً من اللي ربعت حول يبرين
قل تم لا تّمت عليك المنيّه= عساك تلزم سالٍم السباهين
هذي ابياتٍ قلتها لك هديّه= من مترك بن عبيدٍ الفلاحين
وابذكر المعبود مرسل نبيّه= وصلوا على سيد البشر يا المصلين
لاهنت يا متحري الصدق
وسلامتكم