الجمس وصفه عجيـب ومدحـه الحالـه=يستاهل المـدح فـي فعلـه وفـي زينـه
منهو شـرا الجمـس يستاهـل لـه بيالـه=ابيالـةً مـن يديـن الخـشـف ليديـنـه
لا صـار سـواق ومخاطـر ويحتـالـه=ولاجـت قوانيـن تطمـرهـا قوانيـنـه
الجمـس كنـه احصـانً مـات خيـالـه=عـزوه يـا الربـع فـي فرقـا محبينـه
سواقـه اليـوم مـا يلقـا عشـا اعيالـه=ولا علـى غـيـر حاجـاتـه معنيـنـه
ولا انت يـا بنـدر بـن سـرور تبقالـه=مـدام ذكـرك علـى ذا الارض بتعينـه
مـن جـور الايـام والايــام محتـالـه=تضحك على رفرفه والحـزن فـي عينـه
ماجور يا الجمس في المعرض وفي الصاله=ودوه ... جابـوه ...وابكتنـي شكامينـه
ما كنـه الا يبـي يوصـي علـى حالـه=ولا كنـه الا سنـافً قـفـت اسنيـنـه
.