اقتباس:
|
المشاركة الأصلية كتبت بواسطة ماجد المهنا
بسم الله الرحمن الرحيم
السلام عليكم ورحمة الله وبركاته
اخواني / مبروووك عليكم عودة المنتدى
ويبقى هذا الصرح شامخاً كما كان
والله يولف القلوب ويجمع شملنا وشمل المسلمين ..
متواضعه .. أضعها بين ايديكم
أتمنى ان تلقى القبول
صلوا عـ النبي
البارحه والنوم صوب عيوني الحزنه عيوف = والسهر غادي رفيقي لين سجات الصباح
غادين في وسط جوفي شيء من صوت الدفوف = دق خفاقي من الفرقا ودمع العين ساح
اخيل ذعذاع السما واطرب على ريح القنوف = واظيق من طول البعاد ونكبة اوجيهٍ سماح
ياللي غديتي للهجر خط ونقط فوق الحروف = حطي النقط فوق الحروف وحللي ماقد يباح
الصدر مجلس .. وصدمات الغلا وسطه ضيوف = والخفوق معزب الضيفان .. والزله مزاح
والوقت ساحة معركه .. والحظ طعنات السيوف = والمدامع دم شيخ .. وخيبة الظن الرماح
والفرح نخله .. وايدين الحزن عاشقْةَ القطوف = وابتسامتك مطر ومقابلك صوت الرياح
والغزال اللي عدم كل الوسايل والوصوف = أنتي .. وأنتي مدمنة فن الحلا والأجتياح
شتتي أجزائي (وله) ولا على الدنيا حسوف = وكيف ابشره عالزمن لاصرتي السم الذحاح
البعاد أكبر جريمه .. والحجج دايم ضعوف = وأنا مثل من طاح حظه مادرى وشلون طاح
سويت بي مالا يسوى والعواذل ما تروف = مثل شيبان (المهنا) في مشاكيل المراح
وخليتني عبره لمن لم يعتبر وأنا اشوف = وجليتيني من ديرتي وش قوم يا سيد الملاح
علمتني بأن العزوف أحيان ما يدعى عزوف = اذا بعدنا عن بعض واقلوبنا دايم صحاح
والحين تنسيني وانا اللي ماخذن منك حلوف = أنك تحبيني كثر حب العرب للأنفتاح
كيف يسمح لك ضميرك بالهجر يا أغلا هنوف = وليه أعاني من سقوط أعداي وأنتي لي نجاح
وليه في سكة غرامك صار ممنوع الوقوف = وليه علمتي دموعي معنى أطلاق السراح ؟
وأنا أجي للمستحيله دون رعب ودون خوف = اللين صار الياس منفي من عقب رمز الكفاح
وكنت أصدق باني أقوى من متاهات الظروف = حتى غديت معارض أمريكا على نزع السلاح
وانقد على حزب التحالف واقنع ان راسي حلوف = واشغل رئيس منظمه تسعى على نشر الصلاح
وأرى بكلماتي حكم / وأرى بـقصيدي فيلسوف = واجزم ان العز للأسلام لو طال النباح
واليوم اشوف اني غديت اقود من حزني صفوف = واشوف منصب دولتي وشلون كان وكيف طاح !
وسلامة روسكم
ماجد المهنا |
الاخ العزيز والشاعر الكبير : ماجد المهنا
يامرحبا والله ومسهلا ياابو عبدالله
أسفرت وأنورت وينك يارجل فاقدينك
الجزل جزل وأنت جزل ياابو عبدالله جعل عمرك طويل
صح الله السانك وإعتلا شانك وزادك الله من زوايد فضله على هذه القصيده
الجزله واللتي ليت بغريبه على مثلك وشروك يالقرم جعلك تحيى وتسلم
تقبل تحياتي وتقديري في مقامك العالي
محبك دغش البطي