[معلومات العضو ابن شيبان الودعاني]

اخواني الكرام
السلام عليكم ورحمة الله وبركاته
هذه القصيدة للشاعر الكبير مبارك بن شيبان آل ضويان الودعاني
رحمه الله وأسكنه فسيح جناته
والد أسرة آل مشخص أهل خيران ( السليل )
والقصيدة مكونة من 45 بيت وللأسف لم أستطع جمعها كاملة
فقط 17 بيت
وسأحاول جاهداً البحث عن بقية الأبيات ولا أستغني عن فزعتكم
خصوصاً الملمين بتاريخ شعراء القبيلة وهم ولله الحمد كثر في منتدانا الغالي
واليكم القصيدة :

يالله يامضفي علينا حجابه= ياداريً والناس ماهم بدارين
عبدك ولد عبدك تخفف حسابه=لاقربت الاعمال عند الموازين
دزوا لابن شيبان طيب ركابه= تجيه قبل الصبح ذلحين ذلحين
تجيه خمسً واربعينً حسابه=ويركب عليها من الوداعين تسعين
عليهن اللي بالدجى ينسرا به=لاتاه باليسرى ولاعال بيمين
ملفاه حمدً يوم هو ينهقابه=لاكان في عسرً ولاكان في لين
مده بخطه يفتكر في جوابه=ويطويه لاطويت لحوده من الطين
يذكر لنا حمدً عليهم جنابه= ووده يطهرها بحرب الوداعين
ان كان ذا صق قطعنا الرشابه=لاهوب لامنا ولامن البدارين
أما غدا بنتً عليها جنابه=ولاغدا في ورد ربعً محيمين
قصرالبريمي يوم محدً هقابه= ماحط رتبه كون حن ياوداعين
وقصر المدينه يوم كلنً يهابه=جيناه يوم ان الكفر فيه مرزين
ثلثً يطاردهم صدوق الحرابه=وثلث يعاينهم على الحزم مركين
وثلثً يسب الحرب واللي سعابه=من ذلته خوفً على بيضة الدين
أما الامام ابو ونسمع جوابه=ولوان يقطع روسنا مصطعرين
الاالا جمع علينا عصابه =عتبانهم وسهولهم والقحاطين
يرسخ بنا غرسً تمايل حبابه=ومرسخينه في الفضا كنه التين
ولاتوزينا بروس الشعابه=ولابنينا له لياح من الطين

ومن قام بإملائي هذه الأبيات أحد أحفاد الشاعر وهو الشيخ فاضل
بن سعد آل مشخص رحمه الله

ووقتها تجاوز عمره المائه ولذلك
لم يتذكرها غفرالله له كاملة وهذا رابط لخبر وفاته رحمه الله
http://www.alyaum.com/issue/article....3&I=241323&G=1
وبالمناسبة القصيدة تنشر لأول مره على الشبكة العنكبوتيه وأرجوا ممن أراد نقلها
أن يذكر المصدر ( منتدى قبيلة الدواسر الرسمي )