شطروني عن هوى الخفراة خوف امن الجنان=والحقوا ميزات عقلي والـذي منهـا تبقـى
دامني لاجيت بمسي غـدت عشـري ثمـان=وغرقت عيني بماها والمحاجر بـه تسقـى
اتوجـد واتهشـم ليـت ماقـد كـان كـان=كان انا سالم عذاب التفرقـه مانـي مشقـى
وش اسوي ياعوارف عطو قلبـي ضمـان=وانجي بثوبي واشـاوف للهزايـع واتتقـى
لين تفـرد عـن جنابـي واتلـذذ بالامـان=وتاتي الهقوه بحظـي طيبـه قبـل اتهقـى
ليت مدات اليالـي تجـي صوبـي سمـان=واتشيخ في العطايـا دون خشـره واتنقـى
مير مدتها تـردى مـن زمـان لا زمـان=والوفق لامـن نخيتـه لـي الاكتـاف لقـى
الله الله الله عليييييييييييييييييك ياالشاعر الراقي
الشاعر الجزل والغالي/عبدالله الصخيبري
صح لسانك على هذه الجزاله والأبداع الجميل
وأشكرك جيل الشكر على هذا الأسلوب الأكثر من رائع
وعلى هذه الألفاظ القويه والمعبره اللتي في غاية الجمال
بيض الله وجهك على الابداع ومواصلتنا بمداتك السمان
لاهنت يالقرم وعساك على القوه
لك جزيل الشكر والتقديري
من محبك ومحب الجميع : دغش البطي