شطروني عن هوى الخفراة خوف امن الجنان=والحقوا ميزات عقلي والـذي منهـا تبقـى
دامني لاجيت بمسي غـدت عشـري ثمـان=وغرقت عيني بماها والمحاجر بـه تسقـى
اتوجـد واتهشـم ليـت ماقـد كـان كـان=كان انا سالم عذاب التفرقـه مانـي مشقـى
وش اسوي ياعوارف عطو قلبـي ضمـان=وانجي بثوبي واشـاوف للهزايـع واتتقـى
لين تفـرد عـن جنابـي واتلـذذ بالامـان=وتاتي الهقوه بحظـي طيبـه قبـل اتهقـى
ليت مدات اليالـي تجـي صوبـي سمـان=واتشيخ في العطايـا دون خشـره واتنقـى
مير مدتها تـردى مـن زمـان الا زمـان=والوفق لامـن نخيتـه لـي الاكتـاف لقـى
أخي الغالي/ والشاعر القدير/ عبدالله الصخيبري ،،،
صح لسانك على الجزاله ،،، مـتـعـتـنـا الله يمتعك بالعافية و يطول عمرك ،،،
بيض الله وجهك على الابداع ،، وعسى حياتك تزين يالقرم ،،،
وتقبل خالص تحيات وفائق احترام أخوك ومحبك في الله/ صالح الجعيدي