لاقيل يآل بريك ستر الغنادير
قلبي من الضيقه كفخ كفخة الطير/
وراعيه من حرصه لوا السبق بيده& شاف الحباري قدم عينه مدابير/ ومن العدم يكفخ ولا انفك قيده& نفسه جزوع وراميته المقادير/ وماجت له الدنيا على مايريده& في يوم لاهوبٍ عجاج معاصير/ شاف الضلال وجا من الجو سيده& عند القدر ماينفعن المحاذير/ ولاله عن المقسوم حيله تفيده& اصبح رهين مكبل بالجنازير/ وفي حكم تطبيع الحياه الجديده& قطامي عينه مثل لاهب الكير/ وقته زهده فالحياه الجديده& هذا مثل مابين واقع وتصوير/ بين الخيال وبين الاشياء الاكيده& مراحل الدنيا مراره وتمرير / في لب موضوعي وبيت القصيده& اسرار طيات السنين المشاهير/ ناتج مية فارس جريده جريده& اكبر شعار يوم عصر المضاهير/ خذناه واللي ناخذه مانعيده& يوم اللغه لغة السيوف البواتير/ كلٍ يشوف اللي ورد في بريده& ينبيك عن عنوان بعض التقارير/ ليش الرواة تنقصه ماتزيده& ياخضير ابن شامان وين انت ياخضير/ اسمٍ يخلده الحفيد لحفيده& باقين في الميدان بحصان وبعير/ امجادنا بين القبايل تليده& معنا مجاهيمٍ ومعنا مغاتير/ ولانغبط الراجحي في رصيده& حنا جنب طياحنا والمصاغير/ تخاف سطوتنا الجنون المريده& دواسرٍ يوم المعارك مناعير/ نقطع عزاوي خصمنا في وريده& لاقيل يآل بريك ستر الغنادير/ جمع نوقف له وجمع نبيده& في روسنا عند الملاقا سعاطير/ وليا بطشنا مانخلي شريده& ننصر طوابير ونكسر طوابير/ ونموت من دون الوطن والعقيده& حمود بن عقرب آل بريك الدوسري |
رد: لاقيل يآل بريك ستر الغنادير
|
رد: لاقيل يآل بريك ستر الغنادير
صح الله لسان بن عقرب على هذه الشامخة
ولاهنت على نقلها ويستاهل من ذكر فيها |
رد: لاقيل يآل بريك ستر الغنادير
صح لسانك ولسان الشاعر ويستاهلون المدح ابناء عمنا ال بريك
|
رد: لاقيل يآل بريك ستر الغنادير
صح لسان الشاعر القدير ابن عقرب |
رد: لاقيل يآل بريك ستر الغنادير
لاهنت على نقل الابداع
كفو ال بريك ويستاهلون تحياتي |
الساعة الآن 06:42 AM
|
Powered by vBulletin® Copyright ©2000 - 2024, Jelsoft Enterprises Ltd.
---