::: مـنتدى قبيلـة الـدواسـر الـرسمي ::: - آلاد ابن جازان لاجا مجالي

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

- - آلاد ابن جازان لاجا مجالي (http://alduwaser.org/vb/showthread.php?t=57499)

آلاد ابن جازان لاجا مجالي

السلام عليكم ورحمة الله وبركاته

هذه احدى روائع الشاعر / برجس ابن الاسود آل رزحان المشاوية اطال الله في عمره على الطاعه

في ربعه

اتمنى اني وفقت في النقل

شرفت في حزمٍ طويل وعالي =عقب العصير وقبل مايظلم الليل
وقمت اتشوف من يمين وشمالي=بين البحر وجبال سود مظاليل
وصرت اتذكر ماجرى في خيالي =افكار عنتني بليا محاصيل
ونيت ونت من رمته الليالي =بين العدا حتى جعف بده الميل
ماله بني عمٍ ولا له عيالي =يصبر على مر الخطايا من الويل
ياقلب وناتك عذابٍ لحالي =اسقيتني بالمر ووفيته الكيل
وذكرتني ربعن دوامٍ ببالي =من دونهم حالت بحورٍ واطاليل
آلاد بن جازان لاجا المجالي =كسابة الطالات جيل بعد جيل
عند الملاقا يحتمون التوالي =لدبروا ذالا وذالا مقابيل
حريبهم يندم نهار القتالي =من فعل مروية السيوف المصاقيل
ربعن تشيل حمول مجدن ثقالي =الكل منهم ينقل الحمل ويشيل
الحمل قرب له كبار الجمالي =وحذرا يغرنك دقاق المخاليل
وان جيتهم تلقى كرام الرجالي =تاجد علوم الطيب من غير تاجيل
في مجلسٍ تزهاه صفر الدلالي =خصص له المصروف من البن والهيل
هاذي يحمسونه وهاذي زلالي =وهاذي مع الصباب تبرا الفناجيل
وبعده تقدم فوق حيلٍ جزالي =عاداتهم للضيف ذباحة الحيل
هاذي عوايدهم من اول وتالي =فعلٍ على وضح النقا دون تضليل
يالله يالمطلوب منشي الخيالي =ياللي بامره ينزل الوبل ويسيل
افرج لمثلي ياعزيز الجلالي =طالبك عدلها على خير تعديل
طالبك لم الشمل ياخير والي =عسى الفرج ينقاد من دون تاجيل