ايّ بالله ما نسيتك علّ هالدنيا ما تذكرني=زبـنّـتـك ورى حدب الضلوع بحسبة اللافي
‏تعذبني ظنونك بي/ ذنوبك كـلـها مِنّي=وانا أدعيـلك عسى الله يغفر الليّ سِبّب إجحافي
ترى ما آقول لا تعتب.. إلاّ وزييد عاتبني= وش هو؟ حبنا لاصار/ ما به صلح وإخلافي
نجيّ ما كَنّنا إلاّ.. ذا بحرك../ وذي سفني../=وتجري لي على ما آأشتهي من دون مجدافي
قسم بالله لوّ ما هاجت أمواجك و تغرقني=ماكنت آآفــلّ لإشراعي.. ولآ أرمي ثقل مخطافي
فيعني يا حلاة الحب,, انا بأظلمك و إظلمني=وبأرجع لك ابي إنصافك وترجع لي مع إنصافي
فـ/إذا تمشي معي صبرك,, لاتشكي الأرض تحرقني=وانا بأمشي معك رمضى وبـآطـأ الشوك لك حافي
دخيل الله ~ ثم تكفى,, دخيلك لا تجّرِحني=بيكفي قبلك جروح"/ لقيتك عقبها إسعافي
فــلـوّ فكرت بالفرقا.. توّكل لا توادعني=عسى قدامك حظوظك..مادامه حظي إخلافي
أنـا وشعاد باقي لي.. في دنيا ما تصافحني=تخيـّل يوم مدّت لي تصافح.. شلّت أطرافي
لك الله.. لو توادعني/ بأطيّب من تواعدني=وتخلف في وعدك.. أمّا موادعنا معي وافي
ترجيّتك .../ و أنا ما للرجا في معجمي يعني=خضوع" يآ جعل تفدا نوعي و آخر أصنافي
صبرتك.. من وسع خاطر/ فقير" والأمل يغني=ولاكِـنّـك غنمت اليآس/ فقدت الصبر بإسرافي
عرفتك.. دون وقفاتك.. وانا شامخ كِـمَا كِنّي=نخل جِـرد السنين الشامخ وموته بميقافي
عشقتك.. حسبي الله !! ليت مالك فالظهر طعني=ولا لك فالقدر مكتوب معي يلحق تِحسّافي
وتدري وش لعبي غير [ دخـيـل ] .. و ما تزبني=وانا اللي جيتك سنافي.. وطامع في غلا سنافي

مبارك بن الجوير

صح الساااانك يالمبدع احساس فريد وخيال واسع

في انتظار المزيد من التميز والابداع

تقبل مروري واحترامي .

المشاركة الأصلية كتبت بواسطة ابوضيدان (المشاركة 616694) صح لسانك اخوي مبارك وبيض الله وجهك

المشاركة الأصلية كتبت بواسطة شافي النتيفات (المشاركة 616712) ارحب يامبارك كل ما تحضر يحضر الابداع صح لسانك مليون وزيادة وبيض الله وجهك على ذا الرائعة

المشاركة الأصلية كتبت بواسطة نايف الجال (المشاركة 616728) الله الله عليك يامبارك صح الله لسانك هنا الإبداع المميز ولاهي مجامله شاعر متمكن وفارض وجودك وبتميز تقبل مروري

المشاركة الأصلية كتبت بواسطة ناصر الفصام (المشاركة 616750) في القصيدة الرمزيه وروح خاصة جدآ ، لم أستطيع أن اجزم بأني وصلت لها .. لكني أظنني وصلت .. ووجدت فيها صفاء من سماء الحب ..ورائحة الورد ، وروح النقد تحاياي (f )

المشاركة الأصلية كتبت بواسطة خالد المشاويه (المشاركة 616786) مبدع يامبارك صح الله السانك وانت ابو الابداع ولاهي مجاملة لك كل الشكر والتقدير

المشاركة الأصلية كتبت بواسطة فارس الدبالين (المشاركة 616977) مبارك بن الجوير صح الساااانك يالمبدع احساس فريد وخيال واسع في انتظار المزيد من التميز والابداع تقبل مروري واحترامي .

المشاركة الأصلية كتبت بواسطة نسناس الهوى (المشاركة 618509) عشقتك.. حسبي الله !! ليت مالك فالظهر طعنـي***ولا لك فالقـدر مكتـوب معـي يلحـق تِحسّافـي وتدري وش لعبي غير [ دخيل ] .. و مـا تزبنـي**وانا اللي جيتك سنافي.. وطامع في غـلا سنافـي صح الله لسآنك.. واعتلا شآنك.. قمة الجزأله .. استمتعت هنا.. معاني جميله والاجمل ماتبقى في مكنون الشاعر.. لاهنت