السلام عليكم ورحمة الله وبركاته

قصيدة في الشيخ : محمد بن عبدالله بن شعف المسعري الدوسري

سمعت عن الشيخ ثم رأيت بعيني وهو لايمنع احد عن مانحي بعارينه كائناً من كان .

فقلت هذا القصيده : شهادة حق بذلك

يابن شعف والي دعاني على خير=علم ٍ سمعته من جميع البوادي
علم ٍ يردونه رجال ٍ مناعير =قولة نعم في كل مجلس ونادي
قسمك بياض الوجه عند المسافير=يالمسعري فعلك عن الناس زادي
فزتوا بها ياطايلين الأشابير=علم ٍ جميل وكل يوم ٍ عيادي
ياأهل البيوت الي نصوها المسايير =فالصيف ولا في ليال البرادي
نشوفهم ورد الظوامي على البير=العيلم اللي للقبايل مرادي
في مجلس ٍ فيه الدلال المباهير=اللي خثر فيها جديد القنادي
دواسر ٍ يوم الليال المعاسير =بيوتهم فيها الشحم له منادي
وأيام سوقات السلف والمظاهير=لهم على الضد المعادي معادي
يوم القبايل للقبايل مناحير=زادوا على أهل الجود وأهل الجوادي
آلاد زايد زودهم فالعرب غير=أهل النقا وأهل القنا والشدادي
وأهل الجهام اللي سبوحه طوابير=اللي عموقه ساس عسم الأيادي
سود البكار اللي تضيع التعابير=في زينها اللي عن هل الزين زادي
الله يسوق لها الوسوم المباكير=على دخول الوسم ناشيه بادي
نو ٍ من المنشأ مزونه مزابير=تجري بشاير ماه مع كل وادي
وزان الطرب للي طربها المشاوير=لاطالت الشده وزاد العنادي
الخلف يبراله دقاق ومعاشير=وشهب الجيوب اللي تبوج الحمادي
وركبت على اللي منتو ٍ للمحادير=هرش ٍ تموح يداه بيض الرهادي
تبغالها قفر ٍ تخالف نواوير =عوده بعد ماراب والديم هادي
ترعابه النظرات عشق المغاوير=أما براس المال ولاّ تلادي
ترعى جديد النبت فالصبح وعصير=والزود من فوق الظهيره ينادي
يزهى مجاهيم ٍ عليها التباشير=تساق فأيام الوغى والطرادي
اللي غلاهنه يفوق التصاوير=محبة ٍ من عند رب العبادي
لها معزه فالضماير وتقدير=خص ٍ ليا صارت شناح ٍ سنادي
ملحا ً غشاها الزين وهبه وتصوير=ماجالها فأرض الجزيره ملادي
للدوسري هذي زبون المخاسير=وانشد وتلقى مانقوله وكادي

الشاعر: متعب محمد الشايوش العتيبي

آلاد زايد زودهم فالعرب غير=أهل النقا والقنا والشدادي