ألف(ن) أولف والقصـــــــــــــــايد كثيرة=والشعر في بحـــــــــــر المعاني غزيرة
يـا ناشد(ن) عنــــــــي ومنيت عشيره =ربعي هل الوادي ومن نسل بــــــــدران
والبــاء بنيت البيت ثبت وصـــــــادق = وجـــــــــــــدي منيع اللي بنا سور ثادق
وفي داخله قصر(ن) مشيد وشـــــاهق = وأنشد هل العارض حثر(ن) وبـــــدوان
والتـــــــــــاء تواريخ المدن والبلادين = عن ثادق اللي شيدوه البــــــــــــــــدارين
مكتوب عنها في الكتب والــــــدواوين = وتاريخها ماض(ن) على طول الأزمـان
والثـــــــاء ثماني(ن) عليها حــــــكمنا = منـــــــــــــــــــــول التأسيس لين افترقنا
وهذا الولي حاكم وهذا قـــــــــــــدرنا =والحمد للي عالم لكل ما كـــــــــــــــــان
والجيم جدي يوم جاها بنــــــــــــــاها =وشيـــــــــد بها قصره وسور(ن) حماها
ومن دون هل البير نعماً وجــــــــاها = وصـــــاروا معه مستوطنين(ن)وجيران
والحاء حقيقه قلتها مــــــــا بها زيف = ولا هيب نسج من الخيال وتخـــــــاريف
ولا هوب هرج(ن) بالمجالس سواليف = لا فيه زود(ن) لا ولا فيه نقصـــــــــــان
والخـــاء ختمت البيت ولا نيب ملزوم = افهم الجاهل واترجم الى الــــــــــــــروم
اللي يعرف العلم واضح ومــــــفهووم = وسبحان رب(ن) خالقاً كل الأكــــــــوان
والداء دواسر طوعت كل عاصـــــي = معروفة(ن)ما بين داني وقاصــــــــــــي
والمرجله من بينهم بالتواصــــــــــي = والمرجله ما بين شيبن وشبـــــــــــــــــان
والذال ذوقنا إعدانا خســـــــــــــــاير = يوم الجهل فينا والظلم جـــــــــــــــــــــاير
ويوم التناحر بين كل العشــــــــــاير =ما به قبيلة دون شيخ(ن) وفرســــــــــــان

:::
::
:

لــآهنت يا من دواسرُ
وبيض الله وجهكُ ,, وصح لسان الشاعر عبدالله البدرانيُ
واعذرني تراني عدلت في الموضوع شوي ونسقت القصيده عشان تكون وواضحهُ :)