يا هيه ياللي عندك الطير جوعان=بلاك ربك فيه وانت ابتليته
أشغلك وأشتغلته على غير برهان=ما يهتويك الطير وانت اهتويته
نوبٍ عشاه من القصاصيب قصبان=ونوبٍ دجاج ونوبٍ نمت ونسيته
وده لابو فيصل يعشيه خرفان=تراك بالفيران هدّمت بيته
شل الوكر والطير في بيت هدلان=في بيت حلاّل النشب لا نصيته
في بيت ( قاسي ) يصبح الطير شبعان=ذبّاح كاسرة العمد لا لفيته
حتى يبين الطير لطيور حوران=ليته في مجلس راعي الجود ليته
ويشيع ذكره بين حضرٍ وبدوان=عند ( الحفيظ ) الطير يفرح ببيته
قومٍ لهم في ساحة المجد عنوان=طيب الجدود أهل الحظوظ البخيته
ولا انت شانك شان والطير له شان=لو ما عرفت اسمه خطيٍر شويته
مسكين يا حر مع الوكر حران=تحت الدرج مكتوم ما بان صيته