عسى الهون لأهل الهون والجود لأهل الجود=عسى الله يعطي كل حيٍ على ضنه
وعسى اهل النوايا الباطله والقلوب السود=يعاقبهم الله مايدخلهم الجنه
حشى مايجدد لك جروح الحشا ياكود=اليا جت من اللي ماتوقعتها منه
تصبرت اخاف من المشاريه والمنقود=وانا مؤمن ٍ واصلي الفرض والسنه
اقدر واسامح واحسب نقصها والزود=الين يتمادى بالخطأ راعي العنه
واحب الصميدع واذخره فزعة المضهود=واداري عليه من المناقيد واحنه
وفعل الوفا مني لّراع الوفا مردود=ولاهوب لاكني إليا صار لاكنه
على ماقسم ربي وجودي من الماجود=احفر الصخر واصخر القاف لين انه
يجي سلسبيل ٍ حالي ٍ صافي ٍ قرهود=ومثل الجنيهي في بريقه وفي دنه
وهبني جزيل المد والفضل للمعبود=ولاغير وهاب الوهايب له المنه