::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـباديــة ومــزاينــات ابل الدواســر والخيل :: (http://alduwaser.org/vb/forumdisplay.php?f=36)
-   -   الشاعر : جهز المسعري في وصف الأبل (http://alduwaser.org/vb/showthread.php?t=75307)

ساقان الدواسر 13-04-2017 02:08 PM

الشاعر : جهز المسعري في وصف الأبل
 

وصف الإبل

الشاعر جهز المسعري | بواسطة شافي المخاريم الدوسري :

الشاعر جهز المسعري

الفضل لله تو مازان االابداع
بدع القوافي من غمايق بحرها
ببدع بيوت تعجب اهل التسماع
مثايل يطرب له من حضرها
يازين شوف الطرش لاسج مرباع
في ديرة مازارها كن مطرها
في خايع مافيه للضان مرياع
مافيه ياكون أم سالم واثرها
يازين به شوف المجاهيم رتاع
كبار الفقار اللي جلال وبرها
جرد الرقاب اللي لها نحورآ وساع
متشابهه من طيب فحل عمرها
الابل لها توصيف زين ولها انواع
حتى الولي في مصحفه قد ذكرها
وأنا هوا قلبي مجاهيم اسناع
الناس دايم تختلف في نظرها
يازين خطوا مجهمآ مالها أنواع
سودا تساندها تفاهق ظهرها
لها مهادل والخشم طوله ذراع
كنها تعاين في النجوم وقمرها
وأذن كما الشنصوب وخدودها وساع
كبار مواطيهاا طوال شقرها
وكن رقبتها لامشت سمكة شراع
وبالسلف تسع اشبار للي شبرها
ومن سجد يدها لامشت ثور القاع
يحتار راع الابل ليا شاف ثرها
يازينها لا صيفت عقب مرباع
بدا اليدين الي وسيع نحرها
مع الوصوف الكامله زين الاطباع
لا سمعت الصياح محدآ قهرها
هذي ترا ماهيب فالسوق تنباع
تلقى معا الي حاكمينن ديرها
وتلقى معا ربع يعرفون الاسناع
دواسرآ فانحى الجزيره خبرها
يامن بهم قلب من الخوف يرتاع
صوارمآ يدرى المعادي خطرها
بالثقل مثل طويق والحد قطاع
ودباشهم تهمل وترعى ديرها
كم واحد جاهم من البعد طماع
يبغي مجاهيم ينوشه خبرها
جاهم معه مالقوم مليون فزاع
ثم حولو به لابتي من ظهرها
عقب الطمع قام ايتعضض بالصباع
متحسف ويلعن مشير آ ذكرها
عدوهم في ساعة الضيق مطواع
يخضع لاونه مثل قاسي حجرها
وصلاة ربي عد ماهب ذعذاع
على رسولآ طاعت الله نشرها

مبارك بن شافي النتيفات 13-04-2017 06:36 PM

رد: الشاعر : جهز المسعري في وصف الأبل
 
صح لسانك ولسانه
وسلمت يمينك على جميل الاختيار

ساقان الدواسر 13-04-2017 08:39 PM

رد: الشاعر : جهز المسعري في وصف الأبل
 
اقتباس:

المشاركة الأصلية كتبت بواسطة مبارك بن شافي النتيفات (المشاركة 774189)
صح لسانك ولسانه
وسلمت يمينك على جميل الاختيار

مبارك بن شافي النتيفات
هامه عاليه وغاليه
يفتخر ويفاخر بها جميع الدواسروانا اولهم
لك كل حب وتقدير


الساعة الآن 03:02 PM

Powered by vBulletin® Copyright ©2000 - 2024, Jelsoft Enterprises Ltd.
---