|
أم ريـــااال ... قصه واقعيه
أم ريـــااال ... قصه واقعيه السلام عليكم ورحمة الله وبركاتة تقدم سعود لخطبة ريم هي رفضت في البداية بحجة كل البنات انها بتكمل دراستها لكن أمها وأبوها أقنعوها في الأخير لان الولد أخلاق ومستقيم ووظيفة محترمة ومن عايلة كبيرة والكل يمدح فيه ويتمناه لبنته... المهم جا وشافها وشافته واعجبو بعض... واخذ موعد من ابو ريم علشان يجي مع أبوه ويتفاهمون على باقي الأمور الروتينية... جا الموعد المحدد وحضر سعود مع أبوه واثنين من أعمامه... ومعهم المهر... قام وفتح علبة المهر واخذ منها ريال واحد فقط ورجع الباقي وقال حنا نشتري الرجال...!!! عجز المعرس وأهله يقنعون أبو ريم فاستسلموا واخذوا فلوسهم ومشوا... مرت الأيام وريم أبوها عوضها المبلغ اللي رجعه وجهزت نفسها وجت ليلة العرس... أول ما دخلت ريم على عريسها استقبلها وقال: (هلا يا ام ريال!!!) البنت طاح وجهها ساعتها بس عدتها... مو حلوة تسوي مشكلة من أول ليلة... ومن ذاك اليوم وسعود ما تعدي ريم من عنده إلا يعايرها بالريال... بعدين تطور الموضوع وصار يقارنها بكل شي بريال... لين قال مرة: ( تشوفين علبة البيبسي هذي؟ تراها تسواك كلكم بريال خخخخخ!!!) وكمل ضحك وهي تغلي بس ريم كانت كتومة ما تحب تشكي لأحد حتى اقرب الناس لها أمها... ومرت الأيام وهو ما يناديها إلا أم ريال أو علبة البيبسي!... هو ما يقصد يهينها بس المزح الثقيل الله يفكنا من شره المهم راحت لامها مرة وأمها كانت ملاحظة عليها إنها متضايقة من شي فحلَّـقتها تقولها وش فيها... بعد محاولات كثيرة من الأم فضفضت لها ريم وهي تبكي وقالت لها الشي الوحيد اللي منكد عليها حياتها... وطلبت من أمها إنها ما تجيب سيرة لأبوها... لكن الأم قالت: (لا يا بنيتي أبوك غلط ولازم يصلح غلطته وياما قلت له إن هذا يقلِّل من قدر بنتك ما يرفعه لان الناس الحين يقيسون بعض بالفلوس بس ما سمعني... خليه يشوف وش سوى... أنتي يا بنتي لك كرامة وإحنا ما بعناك... تطمني وخلي الموضوع علي) وراحت طيران لزوجها وهي تغلي بتنفجر من القهر وحكت له السالفة... أبو ريم انهبل من اللي سمعه وحلف ما تطلع ريم من بيته إلا راد لها اعتبارها... جا سعود بياخذ زوجته عالعادة بس ريم ما طلعت طلع ابوها بدالها وسلم عليه وطلب منه ينادي أبوه وأعمامه يجون يتقهوون عنده... وانه بعد المغرب حيكون في انتظارهم... الولد ما شك في شي راح ونفذ اللي قاله ابو ريم وجاب أبوه وأعمامه... استقبلهم أبو ريم وجلَّسهم في المجلس بدون ما يحسون بشي... طلع أبو ريم من جيبه ريال ونادى ولده الصغير محمد وقال له: ( محمد أبوي رح للبقالة وجب لي علبة بيبسي...!) الرجال استغربو وضحكو فيما بينهم على تصرف أبو ريم أما سعود ما وصلته الرسالة لسه جاب محمد البيبسي وحطه على الطاولة... شوي قام وطلع ريال ثاني نادى محمد وأرسله يجيب له علبة بيبسي ثانية... سعود بدا يعوّره قلبه... كنه شم ريحة تلميح جا البيبسي وحطه أبو ريم جنب الأول وعمل نفس الشي مرة ثالثة وجاب بيبسي ثالث وحطه مع الباقين... وقال: ( الحين الله يحييكم اقدر أقولكم ليه أنا مناديكم... أنا أخذت منكم مهر بنتي ريال واحد بس ولدكم ما قدر هالشي وقعد يعايرها بعلبة البيبسي... أنا الحين غيرت رأيي... أنا باخذ بنتي... وانتم خذو بدال ريالكم ثلاث علب بيبسي...!) الرجال ما يدرون وين يودون وجيههم من كلام أبو ريم تفاجأوا وفشلهم سعود بعمايله بجد أما سعود الله اعلم بحالته شوي ويغمى عليه هو كان يتميلح وريم تبلع بس ما توقع إنها بتكبّر الموضوع mdry أبو سعود قال: ( والله ما لي وجه أقول شي بس أتمنى انك تمسحها بوجهي أما سعود أنا بتفاهم معه... وبنتك على راسي... ترجع بيتها معززة مكرمة واضمن لك انه ما راح يعيد اللي سواه رد عليه أبو ريم : ( كلامك على عيني وراسي يابو سعود بس والله ما تطلع بنتي من بيتي الا بثلاث مية ألف ريال مهر زيها زي غيرها أنا يوم رفضت أول مرة اخذ الفلوس توقعت أنها بتكبر بعيونه لكن مع الأسف اكتشفت العكس) طبعا الجماعة ما قدرو يقولون شي الا إن هالشي من حقك وحق بنتك... وجمعو المبلغ وقدموه للبنت وكذا ما عاد فيه شي يضايق ريم بس سعود ما عاد له عين يحطها بوجه أبوها. من الرسائل الواردة أعجبتني وأتمنى إن تعجبكم والاستنتاج الشخصي ....؟ من القصة / الكرامة غالية يا ريم .. بنت كريم ما تستأهلين معامله مهينه ( 1/ريال...) دفع من حر ماله الجهاز والمهر وكان يبتغي على قوله رجال يكرم بنته ويحفظ لها كرامتها وتعيش سعيدة لكن .... أبو ريم مع بعد النظر حكيم داوه بدواه تحياتي |
رد: أم ريـــااال ... قصه واقعيه
الله يعطيك العافية
وجعل يمينك سالمة تقبل شكري والتقدير |
رد: أم ريـــااال ... قصه واقعيه
اقتباس:
على مرورك الكريم |
رد: أم ريـــااال ... قصه واقعيه
الله يعطيك العافية
وجعل يمينك سالمة تقبل شكري والتقدير |
رد: أم ريـــااال ... قصه واقعيه
اقتباس:
هلا وغلا والله يعطيك العافية اخوي ريان الفهمي |
رد: أم ريـــااال ... قصه واقعيه
اذا أكرمت الكريم ملكته = واذا أكرمت اللئيم تمردا
التصرف اللى قام به ابو البنت عند ماجعل المهر ( ريال ) تصرف طيب -ولو كان مبالغ فيه- لكنه أخطى في وضع الجميل في غير محله , فالاولى ان يتحرى عن الخاطب فأن كان كفوا أرخص المهر له كما فعل , اما اللئيم فيشوف فعل الطيب معه قوه له ليتمرد على راعي الطيب , اعتقد ان البيت اللى بأعلى ردي هو أقرب تعليق لموضوعك , وشاكر لك يالحبيبي طرحك الهادف |
رد: أم ريـــااال ... قصه واقعيه
أرحب يا نايف أرحب هلا كلامك في محلة كلام عاقل يحسب حساب لكل الأمور ولكن يتفاوت هذا التفكير والتدبير عند الكثير من الناس وخصوص العوائل الصغيرة الغير متقاربة ,,,,, البداية لها دور كبير حين تقدم لوحدة وانعكس لهم بريق مع الأسف ليس بذهب ومثل هذه الخطوة كفيلة بنصف المسافة وأكثر ..... فكان منه ما كان والله يعطيك العافية ومشكور على المداخلة في أمور تهم الجميع وتحتاج للتروي والتأكد من الشخص نفسه ومن ثم أهله وعائلته والتحري بطريقة مباشرة كان يقول تقدم فلان لبنتي أسالك بالله إن تصدقني,,,ما فيها شي ,, ولكن البعض يتخفى بطرق أخرى وينشد زميل جار أنت تعرف الرجال ذاك وشرأيك فيه وشو من رجال,,أكيد ونعم وألمه ,,, مواضيع تحتاج للتجديد والتوعية مطلوبة من الجميع |
رد: أم ريـــااال ... قصه واقعيه
|
رد: أم ريـــااال ... قصه واقعيه
مرحبا خيالة يعطيكي الف عافيه على المرور لا هنتي
|
رد: أم ريـــااال ... قصه واقعيه
ابو بدر قصه رائعه يعطيك العافيه على طرحها وبيض الله وجهك
|
رد: أم ريـــااال ... قصه واقعيه
اقتباس:
الله يعافيك وبيض الله وجهك على المرور الطيب يا طيب لا هنت يامحمد |
رد: أم ريـــااال ... قصه واقعيه
اخووووووووووي ...... جزاك الله غير على عرض هل القصه . ولكن انا سمعت قصه شبيهه لقصتك لكن المهر اللي استلمه ابو البنت كان الف ريال ورجل البنت كان شهم ومقدر لشهامه وهو يعمل في التجار وكل مايربح يعطي البنت نصف الربح ويقولها هذا نصيبك وقدرك وقدر اهلك وكان الحد وصل فيه انه برح في صفقه ثلاثين مليون وعطىزوجته نصف الربح ( وهو على فكر رجل اعمال معروف وناجح ) وهذا الرجال والا بلاش . وانا في اعتقادي ان صاحبنا صاحب قصتك رجل طيب ولكن مزحه الزايد ورطه وورط اهله . اخوك ابوخلف الدوسري
|
رد: أم ريـــااال ... قصه واقعيه
لا حول ولا قوة الا بالله
مشكور اخوي على القصه الله لايهينك تقبل مروري |
رد: أم ريـــااال ... قصه واقعيه
اقتباس:
هلا وغلا على خلف الدوسري لاهنت على الاضافه واكيد القصص من النوع هذا كثير والناس ماهم سوى يعطيك العافية تحيا1111111تي |
رد: أم ريـــااال ... قصه واقعيه
اقتباس:
بنت العرنية هلا وغلا لاهنتي على المرور |
الساعة الآن 04:39 AM
 |
Powered by vBulletin® Copyright ©2000 - 2024, Jelsoft Enterprises Ltd.
---