بالشعر نشكر هل الفعل وافين الخصال = الرجال اللي جزيل الشكر تستاهله
الرجال اللي اتعبوا وأبذلوا وقتن ومال = وكل منهم هم كسب الجماله حامله
مقصدي منهم بعيد النظر قرم العيال = مسفر اللي كل طيب نتاج انامله
كل قرمً لا ذكر له ولد منصور قال = "والنعم فأبو محمد بليا مجامله "
ترفع البيضا لمسفر ولا فيها جدال = ويستحق الشكر في كل فعلً فاعله
جمّع فعول الدواسر وحط الها مجال = في كتابً فيه كل الفعايل كامله
به فعولن ترفع الراس من بين الرجال = من عصر "دوسر" فعول الكرم متواصله
الشهامه والكرم والظفر وقت القتال = هذا تاريخ الدواسر وعلم جاهله
حن رجالً ننطح القوم برهيف السلال = يوم ولد الاش فعل الظفر متثاقله
لابةً نعرف لا ركب الرشا فوق المحال = الفعايل محكمه والهقاوي صامله
والختام الشكر لك من ولد عمك تقال = في قصيدً من جزيل المناهل ناهله