::: مـنتدى قبيلـة الـدواسـر الـرسمي ::: - محاورة محمد بن فالح المسعري&سلطان حسين المسعري

- :: قسم المــحــاورة والألــغـاز:: (http://alduwaser.org/vb/forumdisplay.php?f=18)

محاورة محمد بن فالح المسعري&سلطان حسين المسعري

اخواني اسعد الله اوقاتكم حبيت
انزل لكم هذه المحاوره بين الشاعرين محمد بن فالح والشاعر سلطان المسعري

محمـــد
سلام ياسلطان واخذ المواويل
في ليلة نرفع بها الراس عالي
نبغي ردودك ياضريف الرجاجيل
يومك من الي يكسبون المعالي

سلطان
يامرحبا ترحيبه البدو بسهيل
ترحيبه الغالي ليا جاه غالي
الهند لو تنطح فريق البرازيل
ويش النتيجة ياكريم السبالي

محمد
ياصاحبي كل يجي له محاصيل
الله يطيب نوض حالك وحالي
ترى الجبل ضلعه يجيله مداخيل
والعادله ماتستوي والميالي

سلطان
ياصاحبي لا تسمع القال والقيل
دام الرجال يقدرون الرجالي
وليا وردت النيل فعرف ترا النيل
اطيب من العد القراح الزلالي

محمد
من عاش بدنيا يذوق الغرابيل
لابد ماتصفق يمين(ن) شمالي
الحيل لولا قوته ماطلع حيل
ولا ضهر شي رخيص وغالي

سلطان
الخير بوجيه الليال المقابيل
ماهيب تشبه ماضيات الليالي
وانت الكريم الي بديت المواصيل
يكفي اتصالك صار قبل اتصالي