::: مـنتدى قبيلـة الـدواسـر الـرسمي ::: - سؤال عن قصيدة عبيد بن حويل الخييلي

السلام عليكم ورحمة الله وبركاته
قصيدة الشاعر عبيد بن حويل الخييلي

هاض مابي هرجه بجوف مجلس =يقولـهـا متعـرضـيـن القـبـايـل

يقول وطنكم نـازحٍ عـن وطنـا =رحتوا مـع العجمـان يـا نسـل وايـل

والحمد لله لابتـي عنبـر العـرب =اولاد تغـلـب كاسـبـيـن النـفـايـل*

سواقـة للجيـش فـي يمـة العـدا =حمـايـةٍ لا قـلـدوهـا الـشـلايـل*

مشينا مع الاجناب وسترنا عروضنا =بجـر الصحـن ومواجهـةٍ للهوايـــل*

رحنا لبني عمنا وشافـوا افعولنـا =يـوم السيالـي خيلـنـا مــا تفـايـل

يوم المري يقول لحقوا على البقـر =ما عاد حـق الشـوف شـاف الهوايـل*

حكامهـم قامـوا جميـع بركضـه =لـيـن علقـوهـم الـدمـي الوشـايـل*

مركاض ربعي حط للطيـر مسهـم =والظبعـه العرجـا لـهـا الفضـايـل

ترى طعنـا مـن قديـم مجـرب =منـه ابــن شـبـلان وزان النثـايـل

خلي طريـح مالقـى مـن يشيلـه =عليـه يبـكـن ضافـيـات الجـدايـل*

مع ابن لامـي والمعرقـب جنايـز =عليـهـم والله هـلـدمـن الـحـلايـل

كم شيخ قـومٍ لابتـي حولـوا بـه =مثل آل حلاف حولـوا مـن الاصايـل

افعول ربعي يابن روضـه قديمـه =مهـوب هـرج فـي ضـلال الذوايـل

حنا لنا من قبـل الإسـلام تاريـخ =وفعـل جميـل بعـد الإسـلام هـايـل*

سدنا وحكمنا في العـراق وغيـره =شـرق وشمـال بالسيـوف الصقـايـل

والشـام مشينـا عليـه الطوابيـر =حنـا محينـا الـروم مـن دار وايــل*

1_متى قيلت هذه القصيده في اي عام ؟
2_منهو الذي قال للخييلات رحتو مع العجمان يانسل وايل ورد عليه الخييلي بهذه القصيده ؟