::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم أمـراء وفـرسان وأعـلام الـدواسـر:: (http://alduwaser.org/vb/forumdisplay.php?f=12)
-   -   قصائد قيلت في ال زومان (http://alduwaser.org/vb/showthread.php?t=74913)

شجاع البريكي 27-01-2017 12:44 AM

قصائد قيلت في ال زومان
 
من القصائد التي قيلت في ال زومان والقصائد كثيره وحبينا ان نختصر:


#قصيدة في الشيخ:مبارك بن هذال بن زومان

مبارك ابن زامان يا معرب الخوال
من اللابة اللي في الملاقا تمناها*

حميد السجايا أبو المكارم وسيع البال
*أفعاله على ما قول تشهد وتقراها

مواقفك يا فرز الوغاء ماضي الأفعال
ابكون،،، ناكـر طـيب لو اتناسـاها

تقبل تحياتي وشكري على اية حال
*ونا عارفك ساس المراجل ومبداها

فرحان ابو فاس الودعاني




#قصيدة في الشيخ/مبارك بن بتال بن زامان

نفدا إلي لا زهمته ماتردا
قلتنا قرب رحولك جابها لي

جعل ابن بتال بالمال يتبدا
لابغا درب نوابه مايمالي

وابن بتال على الشايب تعدا
لزم موقف شايب قد مات غالي

لانخلي طمران في بيته مفدا
يدمره فعله على مر الليالي

جعل يفداه الردي راعي المعدا
مثل ذيخ مستمدن في ضلالي

شيبان بن قويد



#قصيدة في الشيخ:عبد الله بن مبارك بن زامان

لون المراكز كلها تبع ابن زامان
وصلنا التقاعد والعمل راغبين فيه

عليه البياض من الحفر لا ورا نجران
بياضن لبن زامان مني وهو راعيه

ترى طيب عبد الله ورثن من الجدان
اهل موقف يشهد على حاضره ماضيه

واهل جرة يشبع بها الطير والسرحان
الاد البريكي لا زما العايل أتوطيه

انا لامدحت الشيخ مدحي على برهان
ولا أمدح ردي ومادح الاش مادانيه

تقبل بيوت جات من فهد بن جنبان
تقبل تحياتي وذا اقل مابهديه

فهد بن جنبان المخاريم




#قصيدة في الشيخ/عبد الله بن مبارك بن زامان

المدايح تعشق الي يسدون اللزوم
وتعشق أطوال اليماني وذربين الفعال

الرجال اهل المواقف قويين العزوم
تحتضي في سود الايام وتشيل الثقال

ذاك شيخن فالنوايب على العليا يحوم
شيخ قومن فالمراجل ليا من قال طال

ذاك ابن زامان عبد الله الحر الجزوم
عنده اكبار المواقف مثل شرب الدلال

يستحق المدح وافي الخصايل والسلوم
محزم الي في زمانه عليه الحظ مال

شيخته مهيب شيخة مجمعة الختوم
شيخته مابين فعل النوادر ووالجزال

عبد الرحمن بن حبنان ال فهاد



#
لاصارت الدنيا علينا شحاشيح،،
نصيتنا الوادي مقر بن زامان...

تبنا له البيضا عدد ذاري الريح،،
من باب حايل لا ورى باب نجران ...

{ دهيمان }

ساقان الدواسر 27-01-2017 02:14 AM

رد: قصائد قيلت في ال زومان
 
يستاهلون الطيب آل زومان والشكر موصول لاخوي شجاع البريكي تقبل فائق الاحترام والتقدير

الصاررم 15-03-2017 12:34 AM

Re: قصائد قيلت في ال زومان
 
قصيدة الشاعر/بادي بن فيصل بن زومان
في الشيخ/عبد الله بن مبارك بن زومان


القصيد الي على مدحة الاش محروم
مثل حرمة بيت مكة لغير المسلمين

مايشاق الا على الي يسدون اللزوم
من بني عمي ومن ندر نمور العرين

مثل عبد الله ومن يجهل الاسم مخدوم
يستمع ماقلت والشك يقطع باليقين

كيف يجهل مطلع الجدي من بين النجوم
ومن زعل والله ماحن عليه بناشدين

مايجارونه عيال الارامل والرخوم
ماخذٍ حقه على عين خطلان اليدين

لاحظر ينعد رقمه من كبار الرقوم
كبريا الابطال ماتقبل القسمه ثنين

عاش منهو لاتقدم يجملنا عموم
لاتقدم يدحم القوم بالجنب المتين

ابلجٍ يزها الامارة وتزهاه الختوم
حي راس يطّبخ في الصعايب مايلين

يحتفل لاضاقت الارض بضعاف العزوم
من سطر راسه ليا كبرت الهيجا يبين

فارقٍ بالطيب والعز واليمنى الطهوم
من سلايل لاد زامان مروين السنين

الولد منا على المرجله حظه يقوم
كسبنا راس السنام وقادم الاولين


الساعة الآن 08:35 PM

Powered by vBulletin® Copyright ©2000 - 2024, Jelsoft Enterprises Ltd.
---