|
قصيدة في حفل زواج العماني(صوتيه)
بسم الله الرحمن الرحيم و السلام عليكم ورحمة الله وبركاته وبد أعزائي منسوبي منتديات قبيلة الدواسر الكرام هذه القصيدة تشرفت بإلقائها ليلة البارحة في حفل زواج الأخ سعد بن مبارك العماني شقيق هايف العماني وفي هذه الحفلة المباركة إلتقيت بعدد كبير من أعضاء وإدارة ومشرفين ومراقبين المنتدى وهو شرفٍ كبير بحد ذاته التعارف والألتقاء ببني عمنا اللذين شرفونا في هذه الحفله واللذين نكن لهم كل تقديرٍ ومحبه لاأطيل عليكم القصيده هي. بالصوت مبتدايـه بإسـم ربٍ علـى الأمـة رقيـب=ضامـن الأرزاق والنـاس يفهـم شؤونهـا مظهرٍ يوسف عليـه السـلام مـن القليـب=ومنجيٍ موسى مـع البحـر مـن فرعونهـا من بعد ذكر الولي بأبتـدي قولـي وآجيـب=وأذكر اللـي شاقنـي فـي جديـد لحونهـا شاقني حفلة ربوعي هـل السـاس العريـب=حفلـةٍ يٌحسـب لهـا والرجـال يجوونـهـا وآتقـدم بإسـم ربعـي مهدَيـت الصعـيـب=وآتكـلـم كلـمـةٍ كـلـكـم توحـونـهـا مرحباً باللي لفى مـن بعيـد ومـن قريـب=عد ماهـل المطـر مـن صـدوق مزونهـا في محل آل العمانـي هـل الفعـل العجيـب=خبـرةٍ تزهـى المراجـل وهـم يزهونـهـا خبرةٍ لـو تفعـل الطيـب ماشـيءٍ غريـب=الشهامـه والشجاعـه هــدف لعيونـهـا يكسبون المدح والجـود لـو إنـه صعيـب=والمراجـل لا إعتـلا سعرهـا يشرونـهـا لابتي هـم محزمـي لاعـوى ذيـبٍ لذيـب=درعي الضافي سعـد عيـن مـن ينخونهـا لابتي من ساس زايد وترجـع فـي صهيـب=والظفـر والطيـب والمجـد مـن قانونهـا لابةٍ تكسـر شبـا الضـد وتعـز الصحيـب=لابـةٍ لامـن تـعـزوت يـجـن جنونـهـا لاأعتزوْ في غيـاثٍ وثلَثـوْ سقـم الحريـب=لـو تشـب الـنـار قدَامـهـم ياطونـهـا ينطحـون الحـرب لاولَعـت نـار ولهيـب=ويكسـرون القـوم وسيوفهـم يروونـهـا في ذراهم يآمن الخايـف اللـي لـه طليـب=يرجهـن والنفـس عنـده تزيـل غبونهـا وفي إحماهم ترتع الوضح في اليوم العصيـب=ترتـع وتآمـن بأمـآن اللـذي يحمونـهـا والطرف والقفر لازان والـروض العشيـب=ينزلونـه لـو تشـب الحـرايـب دونـهـا وإن غزوْ ماعـوَدوْ كـون بأمـات الحليـب=ذي تواليهـا مــع لابـتـي يرعوونـهـا وإن غزاهـم طامـعٍ راح بالكـون العطيـب=كـم عقيـدٍ قصَـروْ هقوتِـه مـن دونهـا ذا قليـلٍ مـن كثيـرٍ ويعـرفـه اللبـيـب=مآأقدر أحصـي فعـلِ ربعـي ولاتحصونهـا والدواسر سلمهـم فـي المراجـل مايغيـب=في القصير وفي الخـوي والعـلا يرقونهـا والـدواسـر لابــةٍ لاتــذل ولاتهـيـب=والمعالـي والفـخـر دايـمـاً يهوونـهـا في ذراهم يرسخ الغرس بالغصـن الرطيـب=ماتهزهـز والـدواسـر حـمـاةٍ دونـهـا ومن غزى صوب الدواسر لقى الذنب القطيب=والخـسـارة والتـعـب والعنى يجنوونـهـا والنهايـه ياأبو هايف عسـى حظَـك يطيـب=بـارك الله فـي فرحكـم عسـى تهنوونهـا وسلامتكم جميعاً محب الجميع : دغش البطي |
الاخ دغش البطي
صح الله لسانك وبيض الله وجهك على الكلام اللي في محله والله والنعم يابني عمنا دايم القول على الفعل طيب اشكرك كل الشكر على الجزاله وعلى انتهاز هذه الفرصه بمناسبة زواج سعد العماني اخو مبارك ذلك الرجل الذي سعى لجمع مفاخر بني عمه والحقيقه انه يستاهل منا الثناء والتقدير تقبل مني اجمل التحايا
|
اقتباس:
ياجعل يمناك مايجيها العطب وصح الله السانك ياشاعر القمه ويستاهلون ال العماني كل خير والله يباركلهم فيما سعوا له تحياتي لك-- |
صح لسانك اخوي دغش ويستاهلوون العماني هالقصيدة وكل علمٍ زين
وعسا زواجهم سعيد ومبارك.. ولاهنت يااالمبدع وجعلك دايم للعليات.. |
الأخ الغالي دغش البطي
والدواسر سلمهـم فـي المراجـل مايغيـب = في القصير وفي الخـوي والعـلا يرقونهـا والـدواسـر لابــةٍ لاتــذل ولاتهـيـب = والمعالـي والفـخـر دايـمـاً يهوونـهـا في ذراهم يرسخ الغرس بالغصـن الرطيـب = ماتهزهـز والـدواسـر حـمـاةٍ دونـهـا ومن غزى صوب الدواسر لقى الذنب القطيب = والخسـارة والتعـب والعنـى يجنوونـهـا الله يعطيك العافيه يابومحمد على هذه القصيدة المعبرة وما أحتوت عليه من كلمات تنم عن افتخارك وحبك لعزوتك و ربعك اللي علمهم غانم من أول و تالي و الله يبارك لآل العماني في عرسهم و هم يستاهلون المدح و هم أهل الذكر الطيب أخوك في الله العرابي |
|
الأخ /دغش البطي
صح الله لسانك ولا هان الله منطوقك مبدع في قافك واتعبت من بعدك يابو محمد ويستاهلو ن العماني و الله يوفق معرسهم |
صح الله لسانك وبيض الله وجهك على الكلام اللي في محله والله والنعم يابني عمنا دايم القول على الفعل طيب اشكرك كل الشكر على الجزاله وعلى انتهاز هذه الفرصه بمناسبة زواج سعد العماني ذلك الرجل الذي سعى لجمع مفاخر بني عمه والحقيقه انه يستاهل منا الثناء والتقدير تقبل مني اجمل التحايا |
اقتباس:
صح لسانك يا محبوب الجميع = ابو بطي وبيض الله وجهك على القصيد اللي يهول ولا هوب مستغرب منك للوافيات اهل والطيب ساسك وانك والله هيضتني يا بو بطي ويحق لي اني احسدك ( السموحه ) والله الجمعه الطيبه والعرس المبارك اللي جمعكم وجعله عرس ٍ مبارك والله يبارك لهم في ما سعوا فيه والله يرزقهم الذريه الصالحه ( ويا بو بطي سعد منهو حاضر ) |
|
السلام عليكم ورحمة الله وبركاته دغش البطي صح الله لسانك وبيض الله وجهك على ماكتبت والقصيده تستاهل التثبيت ويستاهلون صبيان الغييثات كل خير والله يبارك للأهل الحفل ويستاهلون الطيب |
دغش البطي الاخ العزيز الغالي الشاعر الكبير صح الله لسانك واعتلا شانك على هذه القصيدة الرااائعة التي سطرتها اناملك ,,, لا فض فوك ولله دررك ولله دررك يا بو محمد كتبت فأبدعت بنظم القوافي الجزلة وبرجال يستحقون الثناء و الطيب وهم اهلاً لها .. يستاهلون آل العماني وبيض الله وجهك يا بو محمد وجعلك ذخر لنا وللمنتدى واهله .. ونسأل الله ان يبارك لآل العماني في عرسهم المبارك الذي جمع العديد من الاعضاء والمشرفين ليلة البارحة الذي سررنا بلقاءهم .. وتقبل خالص تحياتي بالود والتقدير .. ويستاهل الموضوع التثبيت .. اخوك في الله محمد الغريري |
|
اقتباس:
صح اللسانك ملاييييييييييييين يابومحمد ويستاهل لعماني وربعه تقبل تحياتي ابو زيد الغييثي |
محب الجميع الغالي : دغش البطي
صح لسانك وبيض الله وجهك على هالكلمات التي تسعد من قرأها وتجسد ليلة من أغلى الليالي لدى أخونا سعد العماني الذي أسأل الله له التوفيق والذرية الصالحة وأن يجمع بينهما على خير أما أنت يامحبوب الجميع فأكرر لك الشكر على هذه الدرة الثمينة فسلمت يمينك ودمت مبدعاً كما عهدناك |
الساعة الآن 08:14 PM
 |
Powered by vBulletin® Copyright ©2000 - 2024, Jelsoft Enterprises Ltd.
---
