|
ستة من الفرجان يردون ابلهم من سحمان بن حثلين والستين اللي معه!!
إخواني هذه هي القصة التي تصور كيف إستطاع ستة رجال برد إبلهم من قوم يتجاوز عددهم الستين لله درهم وذلك بفضل الله تعالى ثم بفضل شجاعتهم وبسالتهم. يقول المثل (الشجاع منجى والكريم معان) : (خيالة الحرشا حدوهم مع الريع) في سنة من السنين كان هناك جماعةٍ من آل حسن الدواســــــــر منعزلين من ربعهم ، وفي أحد الأيام نوى العجمان بالمغزى على إبل هؤلاء الجماعة . و كان للعجمان قصير جالي معهم دوسري ينقاله الشقاوي من الشرافا من الدواسروهو شاعر و لم يعلم بغزو العجمان على ابناء عمه الإ بعد ماتحركوا عليهم ، ولم يخبروه بالغزوه خوفهم من أن يصله الخبر فيقوم حينها بإنذار جماعته ليحتاطوا. وبينما الشرافي جالس إذا بجاره مقبل عليه فأخبره بذلك وكان هذا الشخص يدعى الهريش قصيراً للعجمان أيضاً وأخبره أنه أعطى ذلوله جاره العجمي لكي يغزو عليها لإنه إستحى من منع هذا العجمي الذي إستقبله وأكرمه فقال الشرافي وش ينفع به الصوت اليا فات الفوت فلامه الشاعر الشرافي على ذلك التصرف . فغزى العجمان بقيادة الشيخ سحمان بن حثلين من شيوخ العجمان المشهورين وكان على ستين من الخيل من غير الهجن وغزوا على ابل الهوامله واخذوها فصاح الصايح ولحق هل ست من الخيل هم : الأمير الفارس/ كعوت بن خضير الدوسري والأميرالفارس/ سعدون آل عفيص الصخابرة الدوسري والأمير الفارس/ عويض بن خضير الدوسري والأمير الفارس/ جعمل بن خضير الدوسري وأحد أبناء كعوت بن خضير والفارس المعروف / راشد بن قابيةالمقابلة، الدوسري المهم لحقوا الابل واظهروا العجمان من ابلهم . وقال ابن الرفاده وهو مري او هاجري الأكيد انه مهوب عجمي: (ماعاد ذا بهوش ارجال قد ذا سوق ركاب ) ورد فرسه عليهم ولحقه الأمير كعوت بن خضير وقتله. وما ان وصل العلم للشاعر الشقاوي الشرافا الدوسري حتى زانت له وانشد :
سووا سوايا ((كعوتٍ )) بالمفازيـع=روحه ورى حم الذرى مايحنـّه خيالة الحرشاء حدوهم مع الريع=حدو الجلب للسـوق لانحرنـّه لحقو هل الستين ستٍ مداريع=(حسنيةٍ )حوض البلا يوردنه ارخولها العجمان حبل المصاريع=غصبٍ على العجمان مافيه منه راحت بهم قحص السبايا مطاويع= من ظرب قومٍ يطلقون الأعنه (ابن الرفاده) بينهـم بالمباييـع=الست مـن الستيـن تنقزنـّه وحق (الهريش) من الجزور الكراميع=والكرش والمصران من فوق فنه خيالة الحرشا : عزوة آل حسن بن صهيب وقد تطرق الشاعر / مسعود بن سعد بن مسعود المقابلة لهذه القصة والتي عبر عنها في قصيدته المشهورة بالملحمة الدوسرية . وفيمايلي الشاهد على هذه القصة من أبياتها :
ونا هل السـت المهـار القـرح =يــوم الرفـيـده رده الـمـقـرود
منقول من الأخ مسعود المقابله والأخ ابن شامان جميع الحقوق محفوظة لموقع الدواسر الرسمي |
السلام عليكم ورحمة الله وبركاته
الغالي اصمعي الدواسر لاهنت ولاهان مسعود والله يرحم الشيبان ويعفا عنهم |
لاهنت اخوي ( اصمعي الدواسر ) ولاهان والله ولد سعد ( مسعود ) |
السلام عليكم ورحمة الله وبركاته
الغالي اصمعي الدواسر لاهنت ولاهان مسعود والله يرحم الشيبان ويعفا عنهم وفعول بني عمنا ترفع الراس وتفرح المحب وتقهر المبغض وذي عوايدهم جعلهم المعزه عاطر التحايا لمحهوداتك المستمره واللتي تظهر فعول بني عمك كافه محبك ومغليك : دغش البطي |
السلام عليكم ورحمة الله وبركاته الغالي اصمعي الدواسر لاهنت ولاهان مسعود والله يرحم الشيبان ويعفا عنهم وفعول بني عمنا ترفع الراس وتفرح المحب وتقهر المبغض وذي عوايدهم جعلهم المعزه ومشكووور على محهوداتك المستمره واللتي تظهر فعول بني عمك كافه أخوك في الله العرابي |
|
كفوا والله بالهوامله
لاهنت أخوي أصمعي على القوة إنشاء الله |
و الله كفو بربعنا فعلهم يبيض الوجهة
و لا تبطي بجديدك يالغالي ,,,, |
عزوتي يا عيال حسن
اقتباس:
بارك الله فيك وننتظر باقي مشاركاتك والله لا يهينك والشكر موصول للمراقب العزيز / مسعود المقيبلي |
اصمعي الدواسر
لاهنت يالغالي وبيض الله وجهك والشكر موصول لبو سعد |
لاهنت اخوي اصمعي الدواسر
ولك كل التقدير,,,,,,,,,, |
مرررررررحبا بكم جميع وتسلمون على المرور المشرف
|
لاهنت اخوي اصمعي الدواسر ولايهون مسعود
كفو والله بربعناااا ولكم تحياتي |
ولا انت يالمرتكي وشكرا على تعطيرك متصفحي
|
للرفع
|
الساعة الآن 02:08 AM
 |
Powered by vBulletin® Copyright ©2000 - 2024, Jelsoft Enterprises Ltd.
---