|
اهل الثمان
أهل الثمان(الغييثات-الدواسر ) كان مجموعة من فرسان الغييثات من الدواسر ويقدر عددهم بثمان فرسان على ثمان ركايب في غزو طمعاً في الكسب عندما كانت هذه الغزوات والمعارك هي السمة الطاغية لماضي جزيرة العرب وفي طريقهم اصطدموا بفرسان قبيلة المره وعلى رأسهم الشيخ طالب بن شريم والفارس دعيكان من الغفران ،وعندما رآهم دعيكان قال لربعه :عشاكم عند الذهيبه ...يقصد انه بياخذ ركايبهم. واصطدم فرسان الغييثات بمواجهة صارمة وعنيفة مع فرسان هذه القبيلة الذي يفوقونهم كثيراً في العدد،وتذكروا الوصاه فنوخ أحدهم ذلوله ليحتمي ربعه و جرت بينهم معركة طاحنة وشرسة إستبسلوا فيها الغييثات إستبسال الأبطال حتى استطاعوا النجاة بأنفسهم وركايبهم،فقال شاعرهم سعد بن شفيا المناديع الغييثي هذه القصيدة واصفا ما حدث :
جعلك فداً للركايب يـا دعاكانـي = بلاّ ثمـانٍ وداعٍ مـن صحايبنـا لحقوا على طالبٍ خيلٍ وصبيانـي = يدعون بالمنع طمعوا في ركايبنـا ومسعود يويق علينا مثل سرحاني = وده بنـا ميـر عدنّـه مخالبنـا مريةٍ في اللقا والضيق شجعانـي = والكل منهم قريـبٍ مـا يباعدنـا نعمٍ بإبن مسندٍ هو وابن غدفانـي = يوم أشهب الملح والبارود حاطبنا والمدح كله لخو هيـا وردعانـي = هم محمل الهوش لاقلت عجايبنـا ونعم ٍ بشمروخٍ فك البكرة الواني = لعيون من هو تنبا مـن قرايبنـا وطمرة لي طمرةٍٍ تنسمبها الواني = في مكظم الريع يوم البر ضاق ابنا وضربت صفرا تنومس كل ديقاني = وطاحـت بشيـخٍ كـان كاربنـا حنـاالغييثـات منـا بذلانـي = وفقينٍ رفقينٍ ما تخطي ضرايبنـا اسمــائهم : 1_ سهيل إبن عويفي (( عقيدهم)) 2_ سعد إبن شفيا المناديع 3_شمروخ إبن عويفي 4_ حسين الدجران 5_ جعيلان المنداع (( اخو هيا )) 6_ سعد إبن غدفان 7_ قبلان بن ماجد 8_ ردعان إبن خليفه ( العماني ) |
لاهنت يالشكري وبيض الله وجهك
تقبل تحياتي،، |
كفو وسبعة انعام بالغييثات
ولاهنت يالشكري. |
العماني والودعاني جعلكم والله سالمين ولا هنتو |
والله كفوووووووووووووو بالغييثات مب غريبه عليهم
لاهنت يالشكري |
ونعم والله باهل الثمان الغييثات ويستاهلون الطيب و ما قصرت يالشكري اخوك في الله محمد الغريري |
بيض الله وجهك يالشكري
|
محمد الغريري تسلم ولا عدمناك ابن غياث ووجهك ابيض وجعلك تسلم |
ونــعم في الغيثــات علومهـم طـيــبه
ولاهنــت يالشــكري وبــيــض الله وجــهــك |
ابو محمد ونعم فيكم والله ما عليكم قاصر والف شكر على المرور والرد الطيب |
يانوم عيني يالغييثات اشهد ان علومهم طيبة من اول وتالي
والله لايهينك يالشكري على المشاركة |
اقتباس:
المبيعيج لاهنت والف شكر على المرور والرد الطيب وتسلم |
السلام عليكم ورحمة الله وبركاته
والله ونـــــــــــــعـــــــــــم وهذي ماهي بغريبه عليهم والله لايهينك على هذا الموضوع اخووي الشـكـري والى الامام والسلام ختام |
ارحبوووووووووووووووووووووو
اني والله عارف ان ذا فعل الغييثات .. يحرونبها والله لاد بن غياث اهل الثمان خياله البويضا يا جعلك والله سالم يالشكري .. علومك طيبه |
محمد ال زمام الله يسلمك ونعم فعلهم كايد عيال بن غياث وذا علم ربعنا لاهنت والف شكر لك |
الساعة الآن 09:21 PM
 |
Powered by vBulletin® Copyright ©2000 - 2024, Jelsoft Enterprises Ltd.
---