|
الدواسر لابةٍ كنها السيف الحسوم
السلام عليكم ورحمة الله وبركاته وبعد هذه القصيدة تشرفت بإلقائها في المخيم الربيعي الأول اللذي جمع أفراد قبيلة الدواسر واللذي تكفل به الشيخ : عبداللطيف بن سعد الودعاني حفظه الله ورعاه وتحت رعاية منتدى قبيلة الدواسر الرسمي .
ياهجوس الشعر قومي هذا وقت اللـزوم=المعاني فـي ظميـري تفـوح إدلالهـا يوم جاء للشعر بابٍ فلا نيـب محـروم=شاعرٍ وأكتب مـن إخيارهـا وإجزالهـا مرحباَ ترحيبةٍ تكتسـي زيـن الهـدوم=عد ماهل المطر مـن صـدوق إخيالهـا بالرجال أهل الشرف والعوايد والسلـوم=الرجـال اللـي فخرنـا يزيـد إقبالهـا شاركونا في فرحنا ونسوونا الهمـوم=ليلـةٍ شعشـع فرحهـا وهـل إهلالهـا ليلةٍ بالعـز والخيـر وإبليـس مخـدوم=ليلـةٍ ينقـال فيهـا حسيـن أمثالـهـا والشعر ينقاد لاقيل فـي مـدح القـروم=الرجال أهـل الوفـاء بالوفـاء يثنالهـا مثل من قام وتكفَل عسى حـظه يقـوم=سـاق مـالـه من يمينٍ دمار لمـالهـا مقصده خدمة قبيلة عسى عمره يدوم=ولأجل يجمع كل شيبانهـا وعيالهـا ذاك إبن وادي فداه الرديين الرخـوم=بو سعد هو منبـع الجـود مـع شلاَلهـا العديم اللي على الطيب والعليا عزوم=الكريم اللي صفـات المراجل نـالهـا من رجالٍ تلطم الشره وتزيـل الهمـوم=لابـةٍ تزهـى النعـم والنعم تهيالهـا مديَة جيرانها مـن جـدارٍ ومـهـدوم=لآد بن ودعان راس الشرف وعقالها وعاشوْ اللي ثبتوْ في فضاء النت العلوم=وإزرعوْ شجرة وفاء نستظـل إظلالهـا يستحقون الثناء كـل ليـل وكـل يـوم=مع بياضٍ يعتلي فـي طويـل إجبالهـا أسسوْ صرحٍ يضـم الدواسـر بالعمـوم=مصدرٍ موثـوق للـي جهـل بأفعالهـا والفعايل بالشواهد كما وصـف النجـوم=ساطعاتٍ بالسماء مـن بغـى ماطالهـا والدواسر لابةٍ تشبـه البحـر الطمـوم=شامخييـنٍ بالوفـاء والوفـاء يزهالهـا والدواسر لابةٍ كنها الـسيف الحسـوم=لاتخالـط شيـن الأيـام هـي وإليالهـا والدواسر لابةٍ لاحصل يومٍ عسوم=تكسب الطولات في دقها وإجلالها والدواسر لابةٍ تفرق بزين السلوم=في القصير وفي الخوي والعلا ترقالها وإن زبنهم مجرمٍ يشتكي ضيم وهموم=إهتنت عينه عقب حالةٍ يرثالها قلتها وأنا من اللي يحدون الخصوم=لابةٍ تزهى المدايح بطيب أفعالها عزوتي سقم الحرايب عطيبين السهوم=عزوةٍ في غياثِ جعل السعد يبرالها من هل الطولات والمدح في اليوم الزحوم=للصديق أصحاب وأمَا العداء سلاَلها كان ثار الهيج والحرب دخانه كتوم=إعتلينا فوق قبٍ نفك إحبالها قايد السربة شجاعٍ على الأعداء دحوم=ماأنثنى من غارته لو تزيد إشعالها ذاك إبن نصار شيخٍ له الطولة تشوم=أخوْ فرجة كان كبرت لنا حلاَلها وإن وردنا الماء شربنا وخلق الله تحوم=في نهارٍ كل شيباننا جهَالها وفي ذرانا ترتع الوُضح والشقحا الردوم=نرخص الأرواح من دونها وإفدالها وقسمنا بالطيب وافي من خيار القسوم=والمعالي والفخر دايماً نسعالها والقبايل تفعل الطيب وتسد اللزوم=مانغط إفعولها لاإنذكر مجالها وعاشت بلادٍ لنا في عن بـرد وسمـوم=مملكـة عـز وفخـر عالـيٍ منزالهـا ديرةٍ يكثر بها الخيـر والشـر معـدوم=كلها من فضل ربـي وفضـل إرجالهـا في ذرى من له مقام ومعزَه ومحشـوم=خـادم البيتيـن قايـد مسيـر أبطالهـا أبو متعب صاحب العطف والقلب الرحوم=وكل ماثقلت علينا الحمـول إشتالهـا الزعيم الصيرمي العديـم إبـن العـدوم=الشجاع اللي صفـات الشهامـه نالهـا وعاش أبو خالد زعيم الدفاع مع الهجوم=والـيٍ عهـد الملـك والأمانـه شالهـا ياراع الكف الصخي ياراع الرآي الجزوم=ياملاذ اللي شكت من عسيـر أحوالهـا والنهايه بأطلب اللي له المسلـم يصـوم=يحفـظ الإسـلام والمملكـة ورجالهـا وياهجوسي ساعفيني هذا وقت اللـزوم=المعاني فـي ظميـري تفـوح إدلالهـا وسلامتكم جميعاً محبكم الدائم : دغش بن بطي الغياثات |
وإن وردنا الماء شربنا وخلق الله تحوم=فـي نهـارٍ كـل شيبانـنـا جهَالـهـا وفي ذرانا ترتع الوُضح والشقحا الردوم=نرخص الأرواح مـن دونهـا وإفدالهـا دكتور الشعر وابن العم دغش بن بطي صح لسانك مدد ماهوب عدد يالقرم والله وكفو وعز الله إنك كفيت ووفيت وكفو والله بصبيان الغييثات من يوم الجهل لا وقتنا الحالي ، وصدق الشاعر اللي قال:- وإن جاء الغييثي في مقاديم سربة = تكبر على عدونا بلواه يشرفني أني أكون أول من رد على هذه الرائعة التي سطرت فيها الجزالة وقوة المعنى واللفظ. . حضور مشرف لابو محمد كعادته فدمت ذخرا لبني عمك وللقبيلة ولك من محبك ومغليك الود والتقدير ،،، |
الشااااااااااااااااااعر الهررررررررررررررم دغش البطي حفظه الله صح لسانك صح لسانك صح لسانك مليون ولا يكفووون قصيده في قمه الشموووخ .. قصيده في قمة الجزاله فكيف لاتكون هكذا وهي لدغش الغييثي تقبل تقديري وتحياتي يا أبا محمد ... |
ابن عمي واستاذي الشاعر الكبير / دغش البطي صح لساااااااااااااااااانك صح لساااااااااااانك مدد بدون عدد لا هنت لا هنت لا هنت ابدعت ابدعت ابدعت ابدعت تسلم يمينك ولاهان راسك انت ومطلق وبدر اتعبتونا كيف نتجرا نكتب بعد هالجزلات قيفانك محكمه ومعانيك قويه وتراكيبك سلسه وتعابيرك رائعه ودي اعبر عما تكنه النفس من الاعجاب ولكني بشر ولي حدود ابقاك الله ذخرا وعزا للقبيله ولنا اخوك وتلميذك / وسام العصا |
من هل الطولات والمدح في اليوم الزحوم=للصديق أصحاب واما العدا سلالها
كفو والله صبيان الغييثات ذاك بن نصار شيخ له الطوله تشوم=أخو فرجه كان كبرت لنا حلالها ونعم والله بن نصار .والقصيد في حقه شوي عزالله . ويستاهل كل علم غانم. الشاعر الكبير محبوب الجميع . دغش البطي . صح لسانك على ذا القصيدة وبيض الله وجهك . ولاتخلينا من جديدك . أخوك العقيد. |
..محب الجميع ومحبينه الجميع..
استاذي في هذه المدرسة الدوسريه/الشاعر الكبير الفحل :دغش بن بطي الغاياثات الدوسري دام عزك وطيبك ياعقيد القروم .. والله ثم والله وثم والله ووالله جزله من جزل .. الله يعطيك العافيه.. سجل اعجابي الذي يزيد كل دقيقه وثانيه اخوك الصغير نواف بن ناصر الودعاني الدوسري.. |
ونعم يابوبطي شاعر فايف ستار من الطراز الفريد في هاليومين سجل اعجابي اللامحدود بشاعرية محبوب الكل |
الشاعر الكبير دغش البطي جعل شكلك في الرجال يكثر يالقرم حي والله ذا العين من القصيد اللي عليه طراه جعلك والله تبطي حي قصيدك من القصائد التي تهم الرجال شرواك فصح لسانك يابو محمد لك مني أجمل التحايا |
الشاعر والمراقب الكبير / دغش البطي
صح الله لسانك ولاهان الله منطوقك الجزل مايجيب ألا الجزل والقصور بعيد منك يابو بطي لاتحرمنا من ذي وأمثالها |
دكتور الشعر وابن العم دغش بن بطي (( محب الجميع )) صح لسانك مدد ماهوب عدد يالقرم والله وكفو وعز الله إنك كفيت ووفيت وكفو والله بصبيان الغييثات من يوم الجهل لا وقتنا الحالي يشرفني أني أكون أول من رد على هذه الرائعة التي سطرت فيها الجزالة وقوة المعنى واللفظ. . حضور مشرف لابو محمد كعادته فدمت ذخرا لبني عمك وللقبيلة وأعذرني على عدم التواصل لضروفي التي لاتجهلك ! ولك من محبك ومغليك الود والتقدير ،،، الوحيد .... |
اقتباس:
الشاعر والأخ العزيز الغالي أبو عبدالمحسن المسعري يامرحباً ترحيبةٍ تخضر بيابس الورق الحقيقه لم تترك لي شيءٍ من الكلام الجميل حتى أكتبه فلقد سبقتني على العبارات الجميله مع العلم أنك سباق للعلوم الطيبه كلها الكيبورد وصاحبه عاجزان عن الرد والايفاء بحقك ياايها الرائع عباراتك الجميله يدفعها الطيب والشكاله وإن كانت ليست بغريبةٍ عليك ولاعلى اللابة اللي أنت منهم فأنتم هل الطيب والمراجل بارك الله فيك وفي قلمك الذهبي الذي لجم قلمي وصح الله لسانك وإعتلا شأننا وشأنك دنياً وآخره وجعلك الله ذخراً لنا ولبني عمك لك من الود والتقدير أكمله ولك من الشكر والعرفان أوفره وأحسنه محبك المخلص : دغش البطي |
كفو والله يا دغش، و عز الله إنك وفيت و كفيت يالقرم.
وصح لسانك، والقصيدة فوق الجزالة، ويكفي إنها من شخصك. وتقبل خالص تحيات أخوك ومحبك في الله/ صالح الجعيدي |
صح الله هذا المنطق والله لايهينك \\والله ان الدواسر يستاهلونك وهذا القصيد ولابلاش
|
اقتباس:
|
تسلم يا اخوي دغش
لا مجال للمقارنة عساك على القوّة،، |
الساعة الآن 12:03 AM
 |
Powered by vBulletin® Copyright ©2000 - 2024, Jelsoft Enterprises Ltd.
---