البارحة راسي تصافق طواريه=والنوم ماله يمت العين حروه
يلعب براسي صوت صلف المشاريه=ذيب عـوا يبغي عشا امه وجروه
وأنا على الدنيا من الهيه للهيه=ماهمني شهره ولا جمع ثروه
همي وغمي واحدٍ يوم ألاقيه=كني عليل وشوفته محو قروّه
يا تل قلبي فـالهوى من عراويـه=تل الرشا دلـو(ن) ثلاثيـن عـروه
يتله اللي حامـي القيـض حاديـه=يسقي له أبل(ن) ما رعاهـا بكـروه
عشر(ن) شريدة مثلها من غواليـه=اقفت كما يقفي مـع الجـم مـروه
واللي بقى عشر(ن) وصاته من ابيه=من دونها لو يصبح الصـدر فـروه
قلته وكل إناء ينضـح بمـا فيـه=وفي العمر يوم(ن) يبلغ العـز ذروه
واليوم هذا يا أولـه ويـن تاليـه=والنوم مالـه يمـة العيـن حـروه

المشاركة الأصلية كتبت بواسطة برنسيسه الريــــاض (المشاركة 475644) قصيـــــــــــــده رائعـــــــــــــه .... واختيـــار موفــــــــــــق ..... يعطيك العافيـــــــــــــــــــــــــــــــــــــه

وأنا على الدنيا مـن الهيـه للهيـه=ماهمني شهـره ولا جمـع ثـروه
همي وغمـي واحـدٍ يـوم ألاقيـه=كني عليل وشوفتـه محـو قـروّه

المشاركة الأصلية كتبت بواسطة نايف ناصر الفصام (المشاركة 475642) صح لسان لشاعر/ الكبير ضيدان بن قضعان . وقاصيده وافيه والقلوب على بعضها وتسلم يدكـ ياأبو / سالم.