|
يا الله ياخالق ما على البسيطة انواع واجناس
السلام عليكم ورحمة الله وبركاته بعد انقطاعي عن المنتدى لفتره قصيره اقدم لكم هاذي القصيده : يا الله ياخالق ما على البسيطة انواع واجناس * * * تبري مافي نفسي من هما وهوجاس من هوا شخصا هواه صابنيي بوسواس * * * وسبب كل مافي من احزان واتعاس واضحيت من دنيا الشقا عليل ومنحاس * * * وسرحت بعلتي من دون ماتدري الناس وغديت ابكي خلـ(ن) صابني دونه الياس * * * وسريت تالي الليل ولا حد بعلتي حاس وامسيت اسطر جروح الهوا فوق قرطاس * * * ابياتـ(ن) تبين مافي داخلي من شعور واحساس وختامها استغفر الله عدد ماهب نسناس * * * وعدد ماهل مزن فوق جدب لطعاس وسلامتكم . . . واعذرونا على القصور يا رجال . . . وانشاء الله الجاي ازين . . . . ابــوســعــد الــودعــانــي |
يالله حي اخوي عاني الودعاني
لي ملاحضه يالذيب على القصيده واعتبرها من اخوك الصغير الملاحظه هي وانا اخوك ان القافيه كلها وحده كلها على ال.. آس وهذا يخل بالقصيده لو غيرت الشطر الاول من الثاني ارجو انا تتقبل ملاحضتي بصدر رحب اخوك |
ابن العم المسعري فهمني اكثر وانا اخوك ترا مافهمتنا قصدك با الضبط . . .
ومشكور على التنبيه وتكفى لاشفت علي اي خطاء وجهني الله لا يهينك لأني توني في بدايتي. . . والله لايهينك على مرورك يا الذيب . . . |
يا الله ياخالق ما على البسيطة انواع واجناس= تبري مافي نفسي من هما وهوجاس من هوا شخصا هواه صابنيي بوسواس = وسبب كل مافي من احزان واتعاس واضحيت من دنيا الشقا عليل ومنحاس = وسرحت بعلتي من دون ماتدري الناس وغديت ابكي خلـ(ن) صابني دونه الياس = وسريت تالي الليل ولا حد بعلتي حاس وامسيت اسطر جروح الهوا فوق قرطاس = ابياتـ(ن) تبين مافي داخلي من شعور واحساس وختامها استغفر الله عدد ماهب نسناس = وعدد ماهل مزن فوق جدب لطعاس صح لسانك يذيب |
صح بدنك . . . يا ابن العم يحيى
ولاهنت على مرورك . . . |
ابــوســعــد الــودعــانــي
صح لــــــــــــســـــانك يا ابن العم وتوضيحاً لكلام الاخ الشاعرالقدير/ المسعري ان القصيدة على قافيه وحدة وهكذا يخل بالقصيدة يعني اخر حرفين كلها تشابه في الشطرين الاول والثاني والقصيدة لابد ان تجعل للشطور الاولى حرفين مستقلين والشطور الثانيه حرفين مستقلين تقبل خالص التقدير والاحترام من اخوك نواف بن ناصر الودعاني |
الساعة الآن 08:26 PM
 |
Powered by vBulletin® Copyright ©2000 - 2024, Jelsoft Enterprises Ltd.
---