دواسر لعدوانها تكتم البلف =انجا نهار مظلم فيه هيه
من ضربنا روس الا عادي لها حذف =سيوفناا كتبت عليها المنيه
خيولناا عند القاء لها رزف =واللي عليها اهل عزوم قويه
خيالها وحده يقابلبها الف =انا اشهد انها لدواسر سجيه
عدوناا لجى فريصه ترجف =قبل يجيناا قد كتبله وصيه
لثارت الهيجاء وجاء في السماء قصف=وقت المقابس بين صبح وعشيه
نارد حياض الموت محد تخلف =عدوناا كنهم بناار لضيه
حنااا الدواسر دون دورن ولا لف =الله خلقنا راس كل البريه
نعطي وننفق ما نحسب كم الصرف =وذا عطيناا ما عطيناا رديه
والضيف صحون الحيل عنده مطرف =من بعد طيب ودله شاذليه
انشد مؤرخ رص كتبه على الرف =تلقى لنا في كل صفحه مزيه
وقت الرخى قمه وقت القاء عنف =يعني دواسر بين هذي وذيه
كل القبايل بل مراجل توصف =ولاتفاخر بين شخص وخويه
ومن لا كسب علم المراجل بهالكف =فالله يعجل به حيااه شقيه
ولا الدواسر دون مدح ولاوصف =نفوسهم عن مثل هذا غنيه