|
قصيدة في الأمير / سلطان بن متعب بن قويد
هذه القصيدة قالها الشاعرالكبير مصيبيح بن شعيفان الشبعان آل بوسباع قبل أكثرمن 30سنة ، في الأمير سلطان بن متعب بن قويد
راكب اللي جاهز مافيه خله = ممنا راع السفر عقب تغريبه جاهز ومجهز ماحط سله= ماكتب من مصنعه لزم يجيبه فوقه اللي لا غوا بالطرق دله= باخص في كل درب مايهيبه فياهل العادات كل وعادتله = دوروا سلطان حلال الصعيبه فكها سلطان واخلصت الشكله= جابها بالطيب واقربها غصيبه فمن بغا الطاله سلطان يدله= من جهل درب المراجل يقتدي به حيف ياسلطان من درب المذله= حولوني منه والموتر غديبه قد نواني باخذ عياله قضى له= لوياسلطان تزداد المصيبه نفتخر بافعالكم في كل حله = كيف دعوى موتر ماهي غريبه رحم الله الأمير سلطان بن متعب بن قويد ، فقد كان رجل المواقف الصعبة يلبي فزعة المضيوم ويغيث الملهوف ويقضي حاجة المحتاج . يستسهل الصعب حتى تنقاد له الآمال وهو عزيز النفس . رحل عن الدنيا في تاريخ 1/1/1417هـ فاصلة.. هذه القصيدة أطول من كذا ، وكذلك لها قصة عجيبة ، أرجوا من الأخوة الذين لهم اتصال مع الشاعر مصيبيح الشبعان أن ينقلونها لنا من مصدرها الأصلي ، ولهم جزيل الشكر . |
صح الله لسان الشاعر
ويعطيك الف عافيه ورحم الله الامير سلطان بن متعب بن قويد |
صح الله لسان الشاعر السباعي على القصيدة
والله يرحم الأمير سلطان بن متعب بن قويد ويسكنه فسيح جناته لاهنت اخوي بدولوجيا على طرح القصيدة ونتمنى من الأخوان اللي عندهم علم بالقصيدة تكملتها تقبل تحياتي،،، |
الله لايهينك اخوي بدولوجيا على القصيده الرائعه وماقصرت وبيض الله وجهك على قصيده
مصيبيح بن شعيفان الشبعان ال بو سباع في الامير\ سلطان بن متعب بن قويد رحمه الله والله الله اخوي بدولوجيا لاتبخل علينا بكل جديد عندك وخاصه في ال قويد لك خالص احترامي اخوك تركي المسعري |
اقتباس:
واردى فعايل الامير الله يرحمه ولاهنت يابعد راسي اخوك المغيضبي |
الأمير سلطان بن متعب بن قويد
كفو لما يقال فيه من القصائد ، والقصائد لا توفيه حقه ، الله يرحمه رحمة واسعه ويبارك في أبنائه والشكر لك أخي الكريم على ايراد هذه القصيده الجزله وصح الله لسان الشاعر المعروف مصيبيح بن شعيفان ال بو سباع تقبل تحيات اخوك ابو سعود الدوسري |
صح الله لسان الشاعرالكبير مصيبيح بن شعيفان الشبعان آل بوسباع
ورحم الله الأمير سلطان بن متعب بن قويد وسلمت يمناك يابدولوجيا ولاهنت على النقل المميز تحياتي لك |
بدو لوجيا
صح لسانك ولسان مصيبيح آل بوسباع ورحم الله الأمير / سلطان بن متعب وعلومه والله تسر الصديق |
الأخوة الأعزاء سعد المقابله هايف العماني تركي المسعري المغيضبي ابوسعود الدوسري دغش البطي لكم جزيل الشكر والتقدير .. لاعدمناكم |
فياهل العادات كل وعادتله=دوروا سلطان حلال الصعيبه فكها سلطان واخلصت الشكله=جابها بالطيب واقربها غصيبه فمن بغا الطاله سلطان يدله=من جهل درب المراجل يقتدي به حيف ياسلطان من درب المذله=حولوني منه والموتر غديبه قد نواني باخذ عياله قضى له=لوياسلطان تزداد المصيبه اخوي الفاضل بدولوجيا لا فض فوك على هذي القصيده التي اثنت على امير ذاع صيته في بوادي نجد فهو رجل يده بيضا مع الجميع الغريب والبعيد على حد سوا فرحم الامير سلطان بن متعب بن قويد واسكنه فسيح جناته واسال الله ان يبارك في ذريته ويطرح البركه فيهم صح الله لسان الشاعرالكبير مصيبيح بن شعيفان آل بوسباع عى مابدر من ثنايه تجاه هذا الامير من جزل القصيد اخي الفاضل لا تبخل علينا من هذي المواضيع القيمه وتقبل فائق تقديري واحترامي اخـــوك / فهد الغريري,, |
|
تسلم يمينك أخوي بدولوجيا
وصح لسان الشاعر فمن بغا الطالـه سلطـان يدلـه من جهل درب المراجل يقتدي به والله يرحم الأمير سلطان |
الواضح فهد الغريري بليهي الودعاني يحيى الودعاني لكم صادق الود .. وعاطر الند .... لاعدمناكم |
لا هنت اخوي بدولوجيا على القصيدة الرائعة
و الله يرحم الأمير سلطان بن متعب بن قويد و لا تبطي بجديدك يالغالي .... |
الساعة الآن 03:38 AM
 |
Powered by vBulletin® Copyright ©2000 - 2024, Jelsoft Enterprises Ltd.
---