::: مـنتدى قبيلـة الـدواسـر الـرسمي ::: - تشيب الرجال وتمتطي صهوة المركوع

جوهره من جواهر الشاعر سليمان الجبيل

تشيب الرجال وتمتطي صهـوة المركـوع = والأيـام فـي تغييـر الأحـوال معـتـاده

يعين الزمل شيالت الحمـل عضـد وكـوع = ويذل الدهر عزم الجمـل عقـب مجـراده

ومرد الطيور اليا أعتلت بالوطـاه وقـوع = ولافيـه طيـراً غـادر القـاع مـاعـاده

ونشد النظر ويعانـق الكوكـب المرفـوع = ونسج القـدم وأسـرار الأتعـاب تقتـاده

ومن الله خلق بطن الشبع هي وبطن الجوع = والأرزاق تكتـب للفتـاء بـأول مـهـاده

والأيام كـم راسً قسـاوي تـرده طـوع = ولاهمهـا فـي قسـوة الـراس وعنـاده

وانا كـل مـره شاربـاً كاسهـا قرطـوع = رضا واشكـر الله والله ادرا فـي عبـاده

صبوراًً ولا لي في رجاوي هشاش ضلـوع = لو الوقـت يلـوي ساعـده يبلشـه زاده

على الهون والدنيـا تعلمـك يالمصـدوع = عن السيد الـي كانـو القـوم لـه سـاده

وتذكر ترا من ساق شجره تكـون فـروع = ولازالـو اهـل الطـيـب للطـيـب وراده

رجـالاً يقلبهـا الدهـر ماتخـر خضـوع = لهم في سجل المجـد عـاده بأثـر عـاده

كرامـاً يذلـون الـردا فـي ليـال تـروع = أهـل دلـة صفـرا ومصحـف وسجـاده

مشو للشكالة درب سنـدا طلـوع طلـوع = على وسـادة ليلـه وليلـه بـلا وسـاده

خذوها مواريث ونمـت نميـة المشـروع = مواريـث عـوداً ورث الطيـب لحـفـاده

عسي المزنه اللي ساقها من الهوى ذعذوع = تهـلـع مقادمـهـا وتقـفـاه رعــاده

محاري عشرة أيام وان قصـرن أسبـوع = تـردد عليهـم كـل عـصـراَ بميـعـاده

تـرزم مراعيـد وتضاحـك سنـا متبـوع = وتباكـا حقاقـاً يحـرم العـرق مـرقـاده

على من يلحـق للشواكـل ثمـان ضلـوع = يضيم الصحون لحشمة الضيـف وسعـاده

تجلـت غرايزهـم كمـا صفـوه الينبـوع = زلالاً قـراح ويبهـج النـفـس مـيـراده

ومعاذير شاعرها عن السـرد بالموضـوع = تجنـب هزلـهـا والرجاجـيـل نـقـاده

والأجساد تربه والنفس غرسها المـزروع = نباتـه علـى الله ثـم عنـدالله إحصـاده

كما ساقط الدمعـه فراقـه بـدون رجـوع = يمـا الله يـرده للجسـد عقـب مـابـاده

الشاعر / سليمان حمدان الجبيل البلوي