كــون الشــعب
حصل هناك نزاع بين الاميران عبدالله وسعودأبناء فيصل بن تركي على الحكم مماجعلهم يتواجهون بـ عده معارك وكان كلا من الاميران يستنصر بـ قبائل مواليه له و دارت بينهموقعات عده وفي يوم من الايام صاركون بينهم وانكسر الامير سعود بن فيصل وزبن على اهل الوادي ولماعلم الاميرعبدالله بن فيصل وهوبالرياض جهزالجيوش وعددهم تسعة الاف مقاتل وكان الجيش بقيادة اللحياني وانطلق الجيش تحت رايه الامير عبدالله الفيصل قاصدا تمره ديره العمور لتشحيم نخيلها وقاموا العمور بإدخال كبار السن والاطفال والنسوان و حلالهم باقصى الشعب وحطوا لهم متارس فوق الضلع والخياله بالسهل مع قلتهم مقارنتن بالجيش الغازي وعقب حصاره لهم امرقائد جيشه بدخول الشعب ومقاتلتهم وتواجه فريس القبيله بالجيش ودار كون عظيم وجاء بها ذبحً شديد وذبح بها قائد جيش الامام اللحياني وغنم الدواسر عدد من السلاح والغنائم بهذاالكون وبأخر الامر أنسحب جيش الامام وعاد مهزوم شر هزيمه وذلك بعــام 1285ه وقـــال فيها عبيد العمري
يامحمد تنحر فوق ضبياني=نحره فالح يسلم وربع له درعهم ظافي من فوق الامتاني=لابغى هم لدرب هم نظام له ياهل الشعب ياللي فعلهم باني=يوم رزت بيارق قوم عبدالله عقرت الخيل ثم ذبح اللحياني=والمداغيش عدوهم من الحله فعلنا بيّن في ثاج لاكاني=وان حربنا فحنا للعدو عله حن بني تغلب من نسل عدناني=جدنا اللي بنا الكعبه وبيت الله وقال سعد ابن عيينه
قال سعد كلام وعدل القافي=هرجته لامضت ماهيب مقفيه غرسة فالجزي وعذوقها اردافي=دونها بنبيع الروح فالهيه دونها لابتي بسيوف وقافي=تلطم الشره وتضيع مراويه والله ماشفت منهم واحد هافي=كل ابو لابتي حزم الظفر ليه كل ابو لابتي شجعان واشرافي=زحول وكرام فايام المعسريه يوم جانا ابن فيصل قومه اردافي=دون غرس الجزي شبعت ضواريه نشبع الطير والسرحان ويعافي=كم عزيزغدى سرحان بلحيه تسعة الاف قوم الحاكم الوافي=مير حنا زهاب الشره عمريه قبلها سار نجران ولشرافي=طامعين بديرتنا حراميه نحمدالله عليهم شبرنا وافي=كاسبين الثناء وابطال حربيه غرستي لاعنا منبوز لردافي=محق عدو توالانا على حيه شيخهم من صلانا شاف ماعافي=شاف ضرب النشامافي الفداويه عقب ماهو عدو جالنا صافي=عاف من حربنا ماعاد له نيه المصدر: مُستمد من عده مواضيـــع |
رد: وقـــعه الشــعب
ونعم والله بلاد العميري ، ومهوب غريب ٍ عليهم كل فعل ٍ طيب
الأخ المبدع ابوفهّاد سلمت يداك على ماجادت لنا من تاريخ يحكي افعال بني عمنا المشرّفه . تقبل تحياتي،، |
رد: وقـــعه الشــعب
حن بني تغلب من نسل عدناني=جدنا اللي بنا الكعبه وبيت الله
نـــــــــايف الخييلي لاهنت وبيض الله وجهكـ يالقرمـ وهذي فعول " لاد العميري " والعمور اشتهرو بـ " أهل الشعب " من بعد هذا الكون الظافر يستاهلون الطايله محازمنا أخوكـ / ابو زيــد الغييثي |
رد: كــون الشــعب
بيض الله وجهك علي السالفه الطيبه والمشرفه عن بني عمنا وترفع راس كل دوسري
|
رد: كــون الشــعب
|
رد: كــون الشــعب
ونعم والله بلاد العميري ، ومهوب غريب ٍ عليهم كل فعل ٍ طيب
الأخ المبدع ابوفهّاد سلمت يداك على ماجادت لنا من تاريخ يحكي افعال بني عمنا المشرّفه . تقبل تحياتي،، ومروري الطيب |
رد: كــون الشــعب
|
رد: كــون الشــعب
نعم والله بلاد العميري ، ومهوب غريب ٍ عليهم كل فعل ٍ طيب
الأخ المبدع ابوفهّاد سلمت يداك على ماجادت لنا من تاريخ يحكي افعال بني عمنا المشرّفه . تقبل تحياتي،، |
رد: كــون الشــعب
والنعم والله بلاد العميري
ولاهيب مستغربة منهم وبيض الله وجهك يابو فهاد على الموضوع النادر والثمين |
رد: كــون الشــعب
كفووووووو والله يالعمور ولا هي غريبه عليهم
لاهنت يانايف الخيلي |
رد: كــون الشــعب
ونعم والله بلاد العميري ، ومهوب غريب ٍ عليهم كل فعل ٍ طيب
الأخ المبدع ابوفهّاد سلمت يداك على ماجادت لنا من تاريخ يحكي افعال بني عمنا المشرّفه . ولاهنت ,,, |
رد: كــون الشــعب
ونعم وسبعين نعم بربعنا العمور تعرف فعولهم من قديم وتالي
الا خ العزيز والمبدع ابو فهاد بيض الله وجهك وجعلك تسلم على هذا الموضوع اللي يرفع الراس |
رد: كــون الشــعب
الاخ نايف الخييلى بيض الله وجهك والله لايهينك ويطول عمرك وعساك على القوه |
رد: كــون الشــعب
الاخ الغالي هايف العماني
مرحبا بك ملايين واشكرك على مرورك الكريم وسلمت طال عمرك الغالي ابو زيد الغييثي مرحبا والله . ووجهك ابيض واشكرك على مرورك الكريم تركي ال فنيس ووجهــك ابيض يالغالي واشكرك جزيل الشكر على ردك المشرف |
رد: كــون الشــعب
|
الساعة الآن 11:10 AM
|
Powered by vBulletin® Copyright ©2000 - 2024, Jelsoft Enterprises Ltd.
---