|
قصيدة في جمحان ابن عرار المسعري,,,
بسم الله الرحمن الرحيم السلام عليكم ورحمة الله وبركاته ... تشرفت بالمرور والتسجيل في هذا الصرح القبلي الذي يحوي أحد أبناء مظر بنو عمنا الا وهم الدواسر . وما دعاني للدخول هو وضع هذه القصيدة التي كتبتها في شخصٍ لم أره و لا أعرفه ولكن كما يقول المثل (( ذكر الحيا والطيبين يبين )) ويقول المثل (( اطعن يابا زيد والناس يدون الخبر )) . جمحان الدوسري هو أحد معارف واحدٍ من شيباني ولما أسمعه منه عن مكارم هذا الرجل ومواقفة تعبرت بهذه الأبيات ولو كانت لا ترتقي لما هو عليه من الطيب وليس غريباً الطيب من مواكر الطيب .
للعز شاراتن وللطيب ميدان = ومواكر الحر النداوي رفيعه والناس من باب الشريعة هم اخوان=لاشك فيهم فرق طبع وطبيعه وانا اليا فكرت في طبع جمحان = يامرني ابليس المسمى واطيعه العن رخوم الناس في سر واعلان = واشوش من فعل الرجال البتيعه شروا ابو تركي على مر الازمان = ماشوف مثله والمدايح وديعه ماينمدح رجلن على غير برهان = والحق بيّن والصنيعه صنيعه ماشوف غير سهيل مثلك اليا بان = يشبهك في رفعه وقوة لميعه احدن يشوف الطيب ضلعن وجرفان = وانته تشوف الطيب قاعن وسيعه يا مكرم الضيفان ياذرب الايمان = في وصفك جزال المعاني وضيعه يامفخرة كل الدواسر بالاوطان = بنيت لك قصرن حصونه منيعه عادتك فعل الطيب مع بذل الاحسان =عادتك فعله والخلايق تذيعه وان قيل ويش الطيب ؟ اباقول جمحان = جمحان والي غير جمحان بيعه وسلامتكم |
رد: قصيدة في جمحان ابن عرار الودعاني ,,,
كفو كفو بابو عرار
صح الله السانك وبيض الله وجهك وجمحان يستاهل ماقيل فيه رافع روسنا عند الاجناب والاقراب |
رد: قصيدة في جمحان ابن عرار المسعري,,,
ارررررررررررررررررررحب ترااااحيب الحيا " الشاعر / تمام المجماج " ارحب من نجران إلى قصر برزان حياك الله و انت بين أخوانك و صح اللسانك و اعتلا شانك و يستاهل يستاهل " قرم المساعرة "
وان قيل ويش الطيب ؟ اباقول جمحان=جـمــحــان والـــــي غــيـــر جـمــحــان بــيــعــه
عز الله شاش الراس بعد ذا البيت و يساتاهل صبي الطيب أخوك / ابو زيد |
رد: قصيدة في جمحان ابن عرار المسعري,,,
كفو كفو بابو عرار
صح الله السانك وبيض الله وجهك وجمحان يستاهل ماقيل فيه |
رد: قصيدة في جمحان ابن عرار المسعري,,,
اشهد لله انك شاعر فحل وانك قلتها في رجل يستاهل
صح لسانك ملايين والله يحييك والمحل محللك |
رد: قصيدة في جمحان ابن عرار المسعري,,,
ارحب يالمجماج
هلا والله وغلا والله يحييك في منتدى الدواسر الرسمي وصح لسانك وسلم منطوقك وجعل والديك في الجنة اقتباس:
شهادتي في ابو عرار مجروحة ولكن ماقيل فيه يستحقه ومثل ماقل المثل ( علم الحيا والطيبين يبين ) مرحبا بك مرة اخرى وياهلا والف هلا بك تقبل ودي وتقديري ،،،، |
رد: قصيدة في جمحان ابن عرار المسعري,,,
كفو كفو بابو عرار وعز الله يستاهل ماقيل فيه و شهادتي فيه مجروحه لكن مثل ماقال أبومحسن عم الحيا و الطيبين يبين . . .
وصح الله السانك و بيض الله وجهك يابن مجماج . . . تحاياي ... |
رد: قصيدة في جمحان ابن عرار المسعري,,,
ارحب يابن تمام
والله يحييك في منتدى الدواسر الرسمي صح الله السانك وبيض الله وجهك وجمحان يستاهل ماقيل فيه تحياتي وتقديري |
رد: قصيدة في جمحان ابن عرار المسعري,,,
يستاهل جمحان بن عرار المدح وهو اهل له
وصح لسانك واعتلا شانك المجماج ولاهنت جزيل الشكر والتقدير |
رد: قصيدة في جمحان ابن عرار الودعاني ,,,
اقتباس:
صح بدنك و وجهك ابيض وعزالله ان جمحان يستاهل كل علمٍ غانم وروسكم رفيعه دوم يابو زابن |
رد: قصيدة في جمحان ابن عرار المسعري,,,
اقتباس:
سلمك الله يابو زيد وبيض الله وجهك على هالترحيب وصح بدنك وعلا شانك وجمحان والله مايوفي حقه بيوت ودواوين |
رد: قصيدة في جمحان ابن عرار المسعري,,,
اقتباس:
صح بدنك و وجهك ابيض وعزالله يستاهل جعل عمره طويل |
رد: قصيدة في جمحان ابن عرار المسعري,,,
اقتباس:
جعل عمرك طويل ياشافي وعزالله اني في محلي لا خلا ولا عدم وصح بدنك عددهن واكثر |
رد: قصيدة في جمحان ابن عرار المسعري,,,
اقتباس:
وعز الله إنك ماظلمت نفسك بذالبيت يالتمييمي وقبلك الأمير فهد بن عبدالله آل سعود رئيس القوات البحرية أطلق عليه لقب " سفير شباب الدواسر " بحضور المئاات من قبائل نجــد في ضيافة ابو عرار عند الإبل بالقصيم |
رد: قصيدة في جمحان ابن عرار المسعري,,,
|
الساعة الآن 05:17 AM
 |
Powered by vBulletin® Copyright ©2000 - 2024, Jelsoft Enterprises Ltd.
---