::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   قصيدهـ عجيبه ... (http://alduwaser.org/vb/showthread.php?t=51404)

عقاب بن هذال ال بريك 14-06-2010 04:54 PM

قصيدهـ عجيبه ...
 
قصيده عجيبه لشاعر :
ياسر التويجري

البارحة في يوم عشرة يناير
ثارت على الراس المحنك ثواير
حاولت أغير فالزمان المغاير
ولاحصل لي شي غير الذي صار



الله يعزك يا ((قضية فلسطين ))
من أربعينك لين سبعة وستين
ومن أولك ولين بكرة وبعدين
لولاك كان تضيع نشرات الأخبار



حنا عرب نعم عرب يا أوربا
ماعندنا إلا جبن وإلا مربى
الشخص منا لا تبيّن تغبّى
وهذي سياسة للهدوء قبل الإعصار


سيوفنا وقت الملاقى شطيرة
يعني على ماقيل مثل الشطيرة
وهذا دليلٍ مع نقاء السريرة
والله يجيب الخير وتطيح الأمطار


سلام ((يابوش)) الإبن يالمبدى
ياللي على كل المبادي تعدى
طيب ولو إنه عند ربعي تردى
وقدامنا جنة وقدامنا نار


يا((كونداليزا رايس )) أهلن وسهلين
يا أم الجمال اللي يهز السلاطين
غنجك ذبحله فوق خمسة ملايين
هذي ضحايا والضحايا بك كثار


فخامة الرئيس ((حسني مبارك))
يحفظ جزء عم وينسى تبارك
وأكبر دليل إنه يقود المعارك
مواقفه لا جات حزات الأخطار


((القاهرة)) بلد حضاري وبطران
فيه البنات أنواع وأشكال وألوان
من هارديز إلين ميدان لبنان
وأحسن بنات اللي يجن طرق وصغار


ورموشهن شبرين وعيونهن سود
وأنعم من الديباج وأرهف من العود
مباسمن حلوى وحجان وخدود
كسلات فالممشى وفالغنج شطار


أنا هنا يمكن قبل أربع أعوام
رحت أتمشى عند هامات الاهرام
وركبت مع تاكسي وقدام قدام
حتى تعدينا بقالة ودوار


جينا وأثر فيها خيولٍ عريبات
أجدادها قد شاركت فالغزاوات
أجارها يمكن بأربع جنيهات
وزود صفر ولاتدقق بالأسعار


أخذتلي خيلٍ وكرباج واقفيت
يعني على قولة عنيت وتمشيت
وياليتني مع المقادير ماجيت
ولارأيت اللي يهستر بالأنظار


فيها البنات يسابقن الرياجيل
اللي عليهن ضيقات البناطيل
فوق الخيول يجاذبن المواويل
مهار لكن فوق قبات الأمهار


غازلتلي وحدة ولاعبرتني
حلوة وفيها من ملامح برتني
وأقفيت أشيل الهم من فوق متني
عقب ماقالتلي حيوان وحمار


وأنا مانيب إنسان واطي وسافل
أنا من اللي يحكمون القوافل
أحيان مكفولٍ وأحيان كافل
وأكره ماأشوف الظلم والذل والعار


أبترك الموضوع وأدخل بموضوع
دام إن صوتي عند الأجواد مسموع
((نبينا محمد )) ولاهوب يسوع
المصطفى الهادي شفيعٍ للأبرار


لو إنتحر(( صدام ))من قبل ينهان
وخلا المشاكل كلها فوق ((برزان ))
ماكان مسخربه قدم كل الأعيان
عزيز قومٍ ذل بيدين الأقدار


((سبيس تون ))إن كان بالناس حيرة
أفضل بواجد من ((قناة الجزيرة))
تضحك الورعان وقت الظهيرة
وهذي تبكينا إلا جات أخبار


وختامها مدري وش أقول لكن
ما أحب أنا أسمع أغنية الأماكن
من ثقل همٍ بين الأضلاع ساكن
الله يحرول ساق رجلي عن البار



قمًه التناقض فيها.. مره يقول أغازل ومره يقول انا ماني سافل ويمدح نفسه !

حنا عرب نعم عرب يا أوربا
ماعندنا الا جبن والا مربّى


جبن ومربا الظاهر قالها بس عشان تنساب القافيه والا من متى والعرب لاجو يمدحون قالو جبن ومربى؟ هههه


دمتم بود ...

حمد الشامري 14-06-2010 06:36 PM

رد: قصيدهـ عجيبه ...
 
لا هنت يالغالي وعزالله انها قصيده تقوف الخيااال



ومشكووور يالغالي

نادر و جودي 09-02-2012 07:58 AM

رد: قصيدهـ عجيبه ...
 
يعطـيك العآآآآفيه ومقصـرــت

برق الدواسر 09-02-2012 03:22 PM

رد: قصيدهـ عجيبه ...
 
مشكوووووور والله يعطيك الف عافيه على النقل يا عقاب


الساعة الآن 12:17 PM

Powered by vBulletin® Copyright ©2000 - 2024, Jelsoft Enterprises Ltd.
---