|
القهوه
بسم الله الرحمن الرحيم هذي قصيده لاحد شعراء نجد ويدعاله القاضي وقال قصيده مشهوه في القهوه
يامن لقلب كـل مـا ألتـم الأشفـاق=من عام الأول به دواكيـك وصفـوق يجاهد جنود فـي سواهيـج الأطـراق=ويكشف له أسرار كتمهـا بصنـدوق الا عن له تذكـار الأحبـاب وأشتـاق=باله.وطف بخاطره طـاري الشـوق قربت لـه مـن غايـة البـن مـالاق.= بالكف صافيها عن العـذف منسـوق أحمس ثـلاث يانديمـي علـى سـاق= ريحه على جمر الغضى يفضح السوق حـذراك والنيـه وبالـك والأحـراق=واصح تصير بعاجل الحمس مطفـوق الا أصفر لونه ثـم بشـت بالأعـراق=وبقيت كما الياقوت يطرب له المـوق وعطت بريـح فاضـح فاخـر فـاق=لاعنبـر ريحـه بالأنفـاس منشـوق دقـه بنجـر يسمعـه كـل مشتـاق=راعي الهوى يطـرب الا دق بخفـوق واحشـه بدلـه مولعـه كنهـا سـاق=بلـورة منصوبـة تقـل غـرنـوق خله تفوح وراعـي الكيـف يشتـاق=الا طفح لـه جوهـر صـح لـه لاق قمور صغـار كالزمـرد بالأشعـاق=وكبارها الطافح كما صافـي المـوق وزله على وضحى بها خمس ارنـاق= هيـل وسمـار بالاسبـاب مسحـوق مع زعفران والشمطـري الا انسـاق=ريحه مع العنبر على الطاق مطبـوق اذا اجتمـع هـذا وهــذا بتيـفـاق=ف صبه كيفت العوق عن كل مخلـوق بفنجال صين صافي عنـه الارمـاق=تغضـى وكرسيـه غـدان لمعشـوق الى صب فأصبر جوهره تقل شبـراق=رنق تصور بالحمامه علـى الطـوق شكل غرا الفنجال صبغـه كمـا راق=دم القلـب وان مـزع منـه معلـوق خمـر الا منـه تساقـى بـالاريـاق=وعليه مـن صافـي الـورد مذلـوق راعيه كنـه شـارب ريـق تريـاق=كاس الطروب وسرور من ذاق له ذوق يحتاج من خمر السكارى الـى فـاق= طفل يشـف شفـاه والعنـق مفهـوق عبـث يعيـل بحبـه منـه مـامـاق=وهو يضاهي باهـي البـدر بعشـوق في وجنتيه الـى غنـج بـارق حـاق=عجل رفيفه بالطهـا الغـرق بطبـوق سحر كتب من حبـر عينيـه بـوراق=خديه صاديـن ونونيـن مـن فـوق كن العرق بخدودهـا حـص ارنـاق= نثر على صفحـات بلـورة الشـوق الا تبسـم شـع واشـرق بـالآفـاق= نور يفـوق البـدر سحـار منطـوق وبالعنق كن المسك والـورس بـراق=مامشخص في صدري الشاخ مدفـوق تمشي برفـق خوفهـا مدمـج السـاق=يفصم حجول هزه الثقـل مـن فـوق الا صفت لك ساعـة وانـت مشتـاق=فأقطف زهر ملاق والعمـر ملحـوق فالى حضر ماقلـت عنـدي الأرزاق=بيـدي كريـم كافـل كـل مخلـوق هذا وصلـوا عنـد مانـاض بـراق=او ماشكى الفرقـى شفيـق لمشفـوق على النبـي مـازج زاج بـالاوراق= وآله وصحبه عـد ماسيـق مسيـوق |
رد: القهوه
اخوي الفاضل : الخييلي
ارررحب تراحيب المطر يكحيلان بياض وجه على هذي القصيده المعبره والله يصح السانك على نقلها ونتتظر جديدك المميز تقبل تقديري واحترامي اخوك / فهد الغريري |
رد: القهوه
احسنت وبارك الله فيك على القصيده الرائعه قصيدة محمدالقاضب من عنيزه وكان فيه تحدي بينه وبين جلاسه على انه لايعرف الا الغزل فتحداهم بغير الغزل وقال القصيده يصف فيها القهوه والماانتصف في العدد المطلوب للقصيده اودخل عليه فتاتآ صغيره جميله فأنحرف إلى الغزل فتحاكم معهم عند الأمير وهزمهم وهكذا والقصه طويله
|
رد: القهوه
[align=center]
[size=5][frame="1 80"]
[align=center][color=#CC3300][size=5][ft=Arial]
أخي وإبن عمي الحبيب الغالي
أحسنت وبارك الله فيك على هذا الجهد الطيب
والمشاركة الرائعه نتمنى منك الإستمرار بإفادتنا
بهذه المواضيع الشيقه وصح لسانك ورحم الله الشاعر
على هذه الأبيات الطيبه الجزلة
[/color][/align]
[/frame][/size] [/align] [/size][/font] |
رد: القهوه
بياض وجه على هذي القصيده المعبره
والله يصح السانك على نقلها |
رد: القهوه
صح اللسان الشاعر الجهبذ القاضي .واشكرك ياالاخييلي على هذه المشاركة الموفقة
أخوك /// عـــــــــــــــابد سبحان الله والحمدلله والله أكبر ولاحول ولا قوة الابالله |
رد: القهوه
[]لاهنتوا يا الربع على المرور
واشكرك يا البليهي على المعلومات القيمه الي تفيدني وتفيد المنتى بشكل علم والله لا يحرمنا منك يا القرم .......[/ |
رد: القهوه
تسلم يمينك أخوي الخييلي
والله يرحم الشاعر القاضي |
رد: القهوه
ارحب يابن العم >< الخييلي >< صح لسان وصح لسان شاعرها ولاهنت على الاختيار الجزل يالقرم تقبل تحياتى واحترامى |
رد: القهوه
تسلم يمينك أخوي الخييلي
والله يرحم الشاعر القاضي |
رد: القهوه
الخييلي
لاهنت وسلمت يمناك وصح لسان الشاعر |
رد: القهوه
بيض الله وجهك يابن خيال على الموضع
وصح السانك ولسان قايله تقبل مروري المتواضع ولد ودعاان |
رد: القهوه
قصيده جزله
بارك الله فيك |
الساعة الآن 08:32 PM
 |
Powered by vBulletin® Copyright ©2000 - 2024, Jelsoft Enterprises Ltd.
---