مساجلة بين (عبدالله بن عون .. و حسين الدوسري )
السلام عليكم ورحمة الله وبركاته
هذه مساجلة شعريه بين ((الشاعر عبدالله بن عون الرويس العتيبي )) و (( الشاعر حسين بن ظيف الله الكبرى الدوسري )) أتمنى أن تنال على اعجابكم ::
بارك الله في نهار غدا فيه البعير = أثر بعض المال تظهر بركته في شقاه أشهد انه عقب ضاع سوى فيّ خير = بارك الله فيه ليته تقدم بمغداه كان متعب طاعني عن دورته يستخير = بصر دوار البعير إن لقاه أو مالقاه عقب ضاع مدرمح العين خير الله كثير = عاضنا الله فيه بمشاهد الوضحا الفتاه يا صباح الخير والعيد واليوم المطير = يا مشاهد واحد ردّ فالرّوح الحياه يوم واجهني على موترٍ دوبه يسير = قلت يا سبحان من صوّره وأكمل حلاه كنّ عينه عين حرٍ تنهّض للمطير = وعاتق آدمي تذيّر بعد شاف الرّماه يوم جينا راعي البلّ ونيتنا تحير = ماعرفنا وش نسوّي ولله السّواه بسّ أناظر به وادير الفكاير واستدير = في نتال بقلبي وفي كبدي لواه قلت يا راعي البل عسى دربك سفير = ما ذهبت النا جمل. قال : ما عينتناه فــرد عــلــــيــه الــشــاعـــر : حسين بن ظيف الله الكبرى الدوسري ...
هيه ياللي بالمضامي تعرّض للصّدير = لا تعرّض مومنٍ حافظٍ فرض الصّلاه الذّهب والماس يفرق على سلك الحرير = شوف ضلع ( النّير ) دوّر ذهيبك في حصاه يا مدوّر لا تحطّ المنافق لك شوير = المنافق جنّبه كان ربّك ما هداه اللّغه بين القبايل لها شانٍ كبير = ليه ما قالت كلام المدوّر مانباه انت ابن عون ولد من يفكّون القصير = والسّوالف بيننا لا يجي فيها اشتباه الرّجل يعرف وبعض السّوالف ماتصير = والفلك دوّار والنّجم خلّه في سماه ياستاذ الشّعر قبلك سمع صوت النّذير = والمها محمي وحكم الشّريعه من وراه ماخبرنا هذيل تاسم مثل وسم الظّفير = والمعاني واضحة والدّهر يطحن رحاه والحكم من حدّ الأردن إلى ديرة عسير = ومن يخالف شرعنا قطّ راسه فالصّفاه والسّلام ختام والسّالفة بير غزير = والقصير ليا نزل عندنا ناسم عصاه
ما نزلنا الهضب ياحسين معكم بالقصير = ولا وسمت عصيّنا مثل من تاسم عصاه فيك سرعة مير يا حسين حاسب لاتطير = كيف تتّهم لك بريٍ بشيٍ ما نواه ما حصلل منّا زلل مع كبير ولا صغير = ولا درقنا جــارنا من تحت ردن العباه سلمنا وسلوم أهلنا بنوره نستنير = ما يلد الرّجل منّا بشوفات قصراه ما نطيع بسلمنا لا صغير ولا كبير = يوم بعض النّاس طبعه يبيّن لك رداه من مجاراتك مللت المشاعر والشّعير = الشّعير أغلوه والشّعر صابه ما رزاه انت مثل الوادي اللي سيله عوير = ما تشوفه لين تاطا برجلك فوق ماه يا حسين السّالفه خلّها بيرٍ حفير = ردّ ما بيّنت في قاعته واقصب رشاه لاتخلّيها توسع لعمر ولا عمير = لين يكبر حجمها مع منقّلة الوشاه وأقرد العربان دايم يليم للذّخير = ..................................؟؟؟؟؟؟؟؟
طير ياللي فيك لامواس والباقي نجير = لاتنهّض وانت في كفّك اليمنى حفاه لاتلتفت فالجدي وانت قدّامه غثير = مثل من جاله لزوم وعوّد ماقضاه يا أبو نايف لاتحسب العرب كسب العقير = الرّجل مثلك نعزّه ولا نقبل خطاه سلمنا ما سالفت به سميره مع سمير = تعقل العيّال منّا على طول الحياه والله انّي مالبست البشت في بيت الفقير = من يوم بعض النّاس قام يتكبّر في خلاه ما تعرّضنا لربعك علامك تستثير = لا تعكس العلم وتحطّ وجهه في قفاه انت مثل اللي على الدّيك فالعجّه يغير = كلّ ما قلنا تراجع تقدّم في غماه أقرد العربان منهو يجي ماله ضمير = كلّ ما شاف المشاكل ذبح للشرّ شاه المنافق باكر منزله في زمهرير = قصدي الشّيطان واللي يصير من خوياه أنت خصمي فالقضيّه ولا غيرك خشير = كلّ رجل بالمعاني يبيّن مستواه وتقبلوا خالص شكري وامتناني .. أخوكم راعي البويضا . |
بيض الله وجهك يا راعي البويضا على المساجلة الرائعه
تقبل تحياتي،، |
بيض الله وجهك اخوي راعي البويضا
ورد قوي من الشاعر حسين على الشاعر العتيبي اللي يتغزل بالدوسريه واظن أن الردود بينهم اربعة ردود فمن يعرفها لايبخل بها علينا وتقبل تحياتي |
ابيات في قمة الروعه لاهنت ياراعي البويضا بيض الله وجهك وصح السان حسين عزالله انه رد عليه رد قوي وماقصر العوني
|
بيض الله وجهك على الاختيار الموفق
|
راعي البويضا ماقصرت ولاهنت ولاتبخل علينا من الشعر الطيب
وشكراً. |
لا هنت (( ياالعماني , والواضح , وتركي الودعاني , والشامخ , ووناسه ))
مشكورين وماقصرتوا على المرور والتعليق .. |
راعي البويضا بيض الله وجهك على هذي المسجات الرائعه
وعزالله مقصر الشاعر حسين الكبيري في رده على العتيبي اخوك / فهد الغريري,,, |
مشكور يا فهد الغريري الله لا يهينك والله يكثر من أمثالك .
|
هذه مساجله من العيار الثقيل حقيقتاً لاهنت ياشوق البنت على هذه المساجله الرائعه ولاتبطي بجديدك ،،، |
بيض الله وجهك اشهد بالله انها قصايد على مستوى بس الرديات مهيب زينه تجي فيها علومن قشرا ويطلع بها الشاعر من اللعاب
تحياتي |
مشكور يابو فــهــيــد وبـــن مــشـــخـــص المسعري على المرور والتعليق ....
|
لاهنت ياراعي البويضا على المساجله بين عمالقة الشعر
وتقبل خالص تقديري وشكري |
مشكووووور يا اخوي الودعاني على المرور والتعليق مشكور وماقصرت ....
|
|
الساعة الآن 03:07 PM
|
Powered by vBulletin® Copyright ©2000 - 2024, Jelsoft Enterprises Ltd.
---