بسم الله الرحمن الرحيم


هذه قصيده تعبر عن نفسها

واقلبي اللي هجر الاحباب لايفه=ماعاد يترك ونته من حسايفه
القلب يشكي والجوارح تجاوبه=والعين تذرف دمع والنفس خايفه
كله سبب فرقا الحبيب وصدته=اللي يونس مهجتي من طرايفه
من عقب قوله مرحبا بك ومسهلا=اليوم اشوف قدمي مسايفه
نفسي تحبه حيل وايضا تروف به=ونفسه علي لاشك ماهيب رايفه
وان جيت ابي اعافه واخليه واتركه=ينداش فكري واتذكر وصايفه
واليا ذكرت عيونه وقوس حاجبه=وشامته في خده وحمرة شفايفه
اصبر واكامد واتحمل معانده =واقول لاوالله مانيب عايفه
اصبر على جفواه مااطري الزعل=لو كان نفسي عند الاجواد نايفه
كله لجل حب ترعرع بضامري=محبة بالصدق ماهيب زايفه

سمع القصيدة الشاعر حسن بن عبدالله بن بطحيه

فقال

سمعت قول اللي يطوع عسايفه=ويرغم صعيب القافيه في صحايفه
الشاعر اللي كل قوله يشدني=كن العسل من فوق الامثال ضايفه
متذكر ماشاف من سالب الحشا=شافه والا ياليت ماهوب شايفه
لو ان خلك طامع في محبتك=كان المثايل يافتى الجود كايفه
ومادام روح عنك واقفا كما اللذي=عجل هريبه واستذار بحتايفه
مالك من اوصافه سوى الهم والعنا=وسهر طوال الليل عوج كلايفه
قلبك يلاوعه العنا في مليلته=وقلبه هني في برايد مصايفه
اضن خلك جرب الحب والهوى=ولاانتب ولوك شاعر من ولايفه
هذا حسب ماقلت وابديت فالمثل=او ان حواف الغنادير حايفه

المشاركة الأصلية كتبت بواسطة الحبيبي10 (المشاركة 405166) طرق شعار من الوزن الثقيل صح الله السانك يا عبدالله بن بخيتان وصح الله السان الشاعر حسن بن عبدالله بن بطحيه والله يعطيكم العافيه لاهنتوا لاهنتوا لاهنتوا تحيااااااااااااااااااتي

المشاركة الأصلية كتبت بواسطة شافي القويسي المخاريم (المشاركة 405187) ابداع يا ابو بخيتان شاعر جزل صح لسانك ولسان الشاعر حسن الودعاني تحياااااااااااااااتي

المشاركة الأصلية كتبت بواسطة بن واصل (المشاركة 405210) مشكور على الطرح الجميل ابن واصل البدراني الدوسري

المشاركة الأصلية كتبت بواسطة سلطان بن جزاء (المشاركة 405241) الأخ/ ابن بخيتان صح لسانكـ ولسان الودعاني ولاهنتوا جميعا وبيض الله وجيهكم ولكم جزيل الشكر...

المشاركة الأصلية كتبت بواسطة نجــــــــــديه (المشاركة 405372) صح لسانكم ملااااييين تسلمووووووون على هذه الدرر الرائعه التي استمتعت بمعانقتها جل استمتاع مُـبدعين..ومميــزيين .. ليـس بغريـب الإبدع على معانيـكم لاهنتو وننتظر جمال القادم

المشاركة الأصلية كتبت بواسطة السيف دايـم (المشاركة 405441) صح لسانك ولسان ابوعبدالله لاهنت ..

المشاركة الأصلية كتبت بواسطة ابو ملهي العنزي (المشاركة 405444) صح لسانك على الهلاليه الجميله ابيات رائعه من شاعر اروع لاهنت وتقبل مروري