مؤمن بأن الوقت في فية المضحي=مير أتغنم فرصتي دامها تسنح
من لا ارتوى بالكاس مايسقي النضحي=يومٍ اعدود الوقت لاجيتها تنضح
اكتب على دف البحر عفو ويمحي=يالله إلا مني كتبته فلا يمسح
ماصدت الأيام عن دورة الأرحي=متوكل واسوقها حادها تسرح
لو أن القدر ماحاشنا نوب ويضحي=وش ساق عبدالله على كبشه الأملح
تكفى أمانة وش حدك على جرحي= توك دريت ان صدتك تذبح وتجرح
كل المشاعر لاجلكم جابها ضبحي=واسرجتها والعاديه جاتكم تضبح
تغزي بتالي الليل بقبالة الصبحي=متوجده وعيونها طفحٍ تقدح
اهجها واخاف لاينكسر رمحي=عقبه تبين للملا حاجةٍ تفضح
والله ماشين يكدر علي ربحي= أربح ولو أني ماربطني بكم مربح
القافلة تمشي ولا صجني النبحي=واليوم مالديت في صوتي المنبح
تعوذ من ابليس والحق على صفحي= عاد القلوب الليا انتبه مخطيٍ تصفح
الحين جيت تفصل بزيني وقبحي=ولا اولا من جلستي ماتبي تصبح
طيب ومعكم دايماً مبعدٍ شبحي= يفدا ثري التافه قريب المشبح
لكن إلا منه علي ذعذع البرحي=في ذمتي تبقى مكانك ولن تبرح
بحرٍ ومن هزته نفسه على سبحي=أكسر مجاديفه وهو رايحن يسبح