وانت يا فزعت هل الطيـب كسـاب المـداح=وجهك ابيض قولـي ..وكـل رجـالٍ يقـول
ياذخـر كسابـة الطيـب بحـراب الرمـاح=يومها بالخيـل والشلـف وبطيـب الفعـول
لا اعتـزو لاد العميـري ولجـن بالصيـاح=وحذفن البيض بالستـر فـي حـال الذهـول
فعلكـم ستـر العـذارا بمفتـوق الـسـلاح=يشهد التاريخ مجـدٍ علـى سـروج الخيـول
وكسبكم فنس العرانيـن والوضحـا الشنـاح =كل وضحا تجمع الوصف مـع زيـن الدلـول

ان ماتكاتفنـا وصرنـا جميـعـاً =في الآخرة محدن يساعد صحيبـه
اللي مايظهـر فالشدايـد وياقـف =خلّـه يولـي والليالـي تجيـبـه
ومن قال أنا من دون ربعي تخليت=لابد من سـود الليـال اتغزيبـه
مصايب الدنيا عسـى الله يكافـي =تطحن رحاها والقـويّ اتغديبـه
ياما تغدت من طويلين الاشنـاب=وياما تعشت راس ريّـس كتيبـه
وياما حصل ياناس بين القرايـب =واللي عفا فاجره على الله يثيبـه
و لولا الحمايا والتلاحـم غدينـا = مثل الهدف لا كبر كـلٍ يصيبـه