::: مـنتدى قبيلـة الـدواسـر الـرسمي ::: - قصيدة للشاعر المبدع : سلطان المسعري

- :: قسم الـشعر العــام :: (http://alduwaser.org/vb/forumdisplay.php?f=16)

- - قصيدة للشاعر المبدع : سلطان المسعري (http://alduwaser.org/vb/showthread.php?t=29131)

قصيدة للشاعر المبدع : سلطان المسعري

يـاراكــب الــلــى جــديــد مــــوردِ تــــوه=جيـبِ يسـر الخفـوق العـاشـق الـهـاوي
فـيـه الـعـزم والجـلـد والصـبـر والـقــوة=يشبـه لذيـبِ علـى راس الجـبـل عــاوي
صنـاعـه الـلـى لاطــاب ولاشـعـم ضــوه=الابـصــف الـحـديـد وصــنــع كـيـمــاوي
لايـلـزمـه عــــرف ولا ســلــم ومــــروه=يطرد ورى القرش لو الوضـع مأسـوي
راعـيــه يـاسـعـد عـيـنـه لا بـــداء نـــوه=يـبـعـد طـواريــه لـــو الـعــزم مـتـهـاوي
يـنـصـا بـعـيـد الـنـظـر ومـقــدر الــخــوة=الـلــي لـيــا جيـتـنـا بـنـصــاه مــــاراوي
لــنــه حـكـيــمِ ودرب الـمـرجـلـه تـــــوه=ولني اعرف الرجل واعرف من اخاوي
سلـطـان عقـلـي مـــن الايـــام مـتـشـوه=اجـامـل الـنـاس لاكـــن مـانــي بـقــاوي
وانــت تعرفـنـي صـبـور وغـيـر مـتـفـوه=لاون حـزنــي حـكـايـه تـتـعـب الـــراوي
اخـيــل بــــرقِ تــلامــع وانـتـحــا نــــوه=مابـل ضمـي القلـوب ولاشـعـا الــراوي
رقـيــت رجـــم الـغــرام وجـيــت بـعـلـوه=واشوف حالي طواها من الهوى طاوي
كـلــه سـبـايـب غـــزالِ لحـقـنـي ســــوه=يلحق على كبدي الكـاوي ورى الكـاوي
مـن قبـل اعرفـه ودنيـا الضحـك محلـوه=ومـن بعـد عـرفـه لـوانـي حـبـه بــلاوي
ماعـاد لـي فـي مـراسـل غـيـره شـهـوه=ماغير اهوجـس بحبـه سـارح وضـاوي
أي والله اهــواه مـاهــو حـــب ومـمــوه=عيشـي ومـوتـي بـعـد فـرقـاه متـسـاوي
لـقــبــل بتـفـاحـتـيـن وضــامـــرِ خــــــوه=والعين عكش الهـدب مـا ترحـم وتـاوي
ولا قفـا ياراعـي النظـر رو النـظـر روه=واغنم زمان السعـادة واغـو يـا غـاوي
يضحـك طـرب بالثمـان وصـافـيِ جــوه=وانــا اتشـهـد ويــزوي خـاطــري زاوي
لا نـاشـنـي مــنــه لا لامــــا ولا ســلــوه=بلشـت بـه مثـل راعـي الابـل والشـاوي