البارحه في السوق شيّ(ن) يهوّل=كن الاجانب قد عطتنا بلاها !!
وين الزمان الاوّلي وين الاوّل ؟=ياخالق(ن) كل العباد وذواها
شفت الخلايق عايمه كالمغوّل=الله يعزّ هيئة تقوم لولاها
احوالنا نحكي بها ونتقوّل=والمشكله محد(ن) تعاون وجاها
بنت(ن) مع الاولاد تحكي تطوّل=ماهمّها رب(ن) يراقب علاها
وين الحياء ياناس وينه محوّل=وين البنات اللي سليم(ن) هواها
أشوف رجالٍ بناته تجوّل=لا خير فيه اليوم لو ماحماها
ياليتني مارحت لجل المفوّل=جوعان في سوق الطماله وتاها
معذور انا في يوم ضجر(ن) اموّل=من اجل اوّصل فكرتي مبتغاها
قلته وانا في القول مانيب اطوّل=وبيوتها تنبيك عن محتواها