سيدي لو المنايا تباع وتشترى=سقت عمري واتمنى تجيني ما تجيك
بالغلاء يا ابن فهد وش تظن وش ترى=في رجال مضت العمر في بيعة مليك
سمعتك عطر يذعذع وكل قد درى=يوم سجيت المطايا وجيتك مهتويك
كل ما أذكر نفعتك حجر الدمع وجرى=فوق خدي وأرفع الشكر وأقبل ايديك
طال معروفك شيوخ وقبايل وأومراء=واشملتني رحمتك يرحم الله والديك
يوم بعض الأغنياء حاله حال فقراء=ما تودي صلب جايع ولا تنقذ دريك
يا ولد من لاح نجمه من الأفق وسرى=وادم سنك ما برز له على الساحة شريك
ابلج عنه النشاما تفاهق للورى=وان نخيته ينتخي وان زبنته يحتميك
كن بشتاء للضعيف وللمعسر ذرى=واطلب الله يا فهد يا فهد يستر عليك
اشهد أنه ما خسر يوم ربّى واحترى=يوم شالك فوق متنه يشوف العز فيك
يا سمي العود يالرجل موثوق العرى=يا عريب الجد والجد من خالك وابيك
يا سليل المجد بالطيب ما معك خشرى=طال عمرك يا ربود زعيم يرتجيك